కుప్పం మునిసిపల్ ఎన్నికల్లో అధికార పార్టీ అడ్డదారులు తొక్కుతుంది. ఇప్పటికే దొంగ ఓట్ల కోసం పక్క నియోజకవర్గాల నుంచి ప్రజలను తరలిస్తున్నారు. అయితే వీరిని తెలుగుదేశం పార్టీ నాయకులు అడ్డుకోవటం, వారిని పట్టుకోవటం, మీడియాలో రావటంతో వైసిపీ నేతలు తలలు పట్టుకున్నారు. చివరకు తమ వద్ద ఉన్న అధికార బలన్ని వాడారు. టిడిపి నేతల అడ్డు తొలగించుకునేందుకు ప్లాన్ వేసారు. కుప్పం మున్సిపల్ పరిధిలో స్థానిక టీడీపీ నేతలు అందరినీ అరెస్ట్ చేపించారు. అర్ధరాత్రి నుంచి కుప్పంలోని స్థానిక టీడీపీ నేతలను పోలీసులు అరెస్ట్ చేస్తున్నారు. టీడీపీ జనరల్ పోలింగ్ ఏజెంట్లను, వార్డు ముఖ్య నేతలను పోలీసులు అదుపులోకి తీసుకుంటున్నారు. వారి పైన ఎలాంటి కేసులు లేకపోయినా, వారిని అక్రంగా అరెస్ట్ చేసి లోపల ఉంచుతున్నారు. పోలింగ్ రోజున స్థానిక టిడిపి ముఖ్య నేతలు ఎవరూ లేకుండా చేయటానికి వారిని అరెస్ట్ చేస్తూ కుట్ర రాజకీయాలు చేస్తున్నారని టిడిపి ఆరోపిస్తుంది. పోలీసులు ఏకపక్షంగా వ్యవహరిస్తున్నాని, అరెస్ట్ చేసిన వారిని ఎక్కడ పెట్టారో కుదక్ చెప్పటం లేదని అంటున్నారు. ఒక పక్క వైసిపీ నేతలు దొంగ ఓటర్లను తెస్తుంటే, వారిని ఏమి అనటం లేదని వాపోతున్నారు.