ఆర్మీ ఆసుపత్రిలో చికిత్స తీసుకున్న తరువాత, అక్కడ డాక్టర్ల అనుమతి తీసుకుని ఎంపీ రఘురామ కృష్ణరాజు ఈ రోజు డిశ్చార్జ్ అయ్యారు. సుప్రీంకోర్టు ఆదేశాలతో రఘురామరాజుకి సికింద్రాబాద్ ఆర్మీ ఆస్పత్రిలో వైద్య పరీక్షలు చేసిన అనంతరం ఆయన్ను డిశ్చార్జ్ చేసారు. ఆయన డిశ్చార్జ్ చేసిన తరువాత అక్కడ నుంచి నేరుగా ఢిల్లీ బయల్దేరి వెళ్ళారు. మధ్యాహ్నం 2 గంటలకు ఢిల్లీ రఘురామకృష్ణరాజు ఢిల్లీ చేరుకున్నారు. త్వరలోనే పలువురు కేంద్ర పెద్దలను కలిసి తనపై జరుగిన మొత్తం కుట్ర గురించి వివారించే అవకాసం ఉంది. అయితే రఘురామరాజు హైదరాబాద్ లో కాకుండా, ఢిల్లీ వెళ్ళటానికి రెండు కారణాలు కనిపిస్తున్నాయి. గత పది రోజులుగా జరిగిన నాటకీయ పరిణామాలు, ఏకంగా రాష్ట్ర ప్రభుత్వమే ఆయన పై కక్ష సాధింపు ధోరణితో కేసులు మోపటం దగ్గర నుంచి, కస్టడీలో కొ-ట్ట-టం వరకు జరిగిన నేపధ్యంలో, సుప్రీం కోర్టు వరకు వెళ్లి పోరాడటం, అలాగే కేంద్ర పెద్దలకు కూడా ఈ విషయం చెప్పటం, ఆయన కుటుంబ సభ్యులు కేంద్ర పెద్దలను కలవటం, ఇవ్వన్నీ జరిగిన విషయం తెలిసిందే. ఈ సందర్భంగానే, ఒక ఎంపీగా తనకు ఇక్కడ జరిగిన అవమానం, అన్యాయం పై, నేరుగా ఢిల్లీ పెద్దలతోనే చెప్పి, వారి దృష్టికి ఇక్కడ జరుగుతున్న విషయాలు అన్నీ వివరించాలని, రఘురామరాజు నిర్ణయం తీసుకున్నారు.
ఇక రెండో అంశం, మళ్ళీ రాష్ట్ర ప్రభుత్వం ఏదైనా తప్పుడు కేసులు పెట్టి , తనను ఇబ్బంది పెట్టే అవకాసం ఉందనే సమాచారంతో కూడా, ఢిల్లీలో అయితే సేఫ్ గా ఉండవచ్చని, ఇక్కడ అక్రమంగా అరెస్ట్ చేయటం లాంటివి కుదరదు కాబట్టి, మొత్తం రూల్స్ ప్రకారమే నడుచుకోవాలి కాబట్టి, ఆయన ఢిల్లీ వెళ్లినట్టు తెలుస్తుంది. ఈ పరిణామాలు అన్నీ కూడా, సైలెంట్ గా జరిగిపోయాయి. ఇక మరో పక్క ఢిల్లీలో ఉంటే, తన తదుపరి అడుగులు పసిగట్టటం జగన్ ప్రభుత్వానికి వీలు పడదు కాబట్టి, వ్యూహాత్మికంగా ఢిల్లీ వెళ్ళారు అనే చర్చ కూడా జరుగుతుంది. ఇక్కడ ఉంటే మళ్ళీ నిఘా ఎక్కువగా ఉండటం, రఘురామరాజు కదలికలు అన్నిటి పై నిఘా ఉండే అవకాసం ఉంది కాబట్టి, ఆయన ఇలా ఎంచుకుని ఉంటారని భావిస్తున్నారు. ఏది ఏమైనా తనకు జరిగిన అన్యాయం పై, ఇప్పుడు రఘురామరాజు తదుపరి అడుగులు ఎలా ఉంటాయో తెలియాల్సి ఉంది. తన పై పడిన లాఠీ దె-బ్బ-కు ఆయన ఎలాంటి బదులు తీర్చుకుంటారు అనేది చూడాల్సి ఉంది.