కర్నూల్ లో ఘోరం జరిగింది. కేఎస్‌ కే‌ర్ హాస్పిటల్ లో ఆక్సిజన్ అందక 5గురు చనిపోయారు. అయితే ఈ ఘటనలో ప్రధాన బాధ్యులు కేఎస్‌ కే‌ర్ హాస్పిటల్ సిబ్బంది అనే తెలుస్తుంది. వైద్య ఆరోగ్య శాఖ అధికారులు, పోలీసులు వచ్చి, హాస్పిటల్ లోని అన్ని విభాగాలను పరిశీలించారు. అన్నీ పరిశీలించిన తరువాత, హాస్పిటల్ లో చికిత్స పొందుతున్న క-రో-నా బాధితులతో పాటు, ఇతర రోగులు కూడా చికిత్స తీసుకుంటున్నట్టు గుర్తించారు. మూడు ఫ్లోర్లు ఉన్న హాస్పిటల్ లో, దాదాపుగా 50 మంది వరకు హాస్పిటల్ లో ట్రీట్మెంట్ తీసుకుంటున్నట్టు గుర్తించారు. అక్కడ ఉన్న డాక్టర్లు, సిబ్బందితో పాటు, అక్కడ రోగులు, వారి బంధువులతో కూడా అధికారులు మాట్లాడారు. అయితే ఇక్కడ అన్ని రకాల అనుమతులు ఉన్నాయని, హాస్పిటల్ యాజమాన్యం చెప్పిందని తెలిపారు. అయితే ఇక్కడ ఆక్సిజన్ అందక 5 గురు చనిపోవటంతో, ఈ హాస్పిటల్ కు ఎలాంటి అనుమతులు లేవని తెలిసిందని, క-రో-నా వైద్యం కోసం అనుమతి ఇవ్వలేదని తెలిసిందని, లబోదిబోమన్నారు. అయితే పోలీసులు రాగానే, హాస్పిటల్ యాజమాన్యం తప్పించుకున్నారు. వారి కోసం పోలీసులు గాలిస్తున్నారు. డిజాస్టర్ మ్యానెజ్మెంట్ ఆక్ట్ పై, హాస్పిటల్ పై కేసు నమోదు చేసారు.