గత రెండు వారల నుంచి జరుగుతున్న పరిణామాల పై, రఘురామకృష్ణం రాజు, లోకసభ స్పీకర్ ఓం ప్రకాష్ బిర్లాతో సమావేశం అయ్యి మొత్తం వివరించారు. తన అరెస్ట్ దగ్గర నుంచి, సుప్రీం కోర్టు ఆదేశాల వరకు జరిగిన అన్ని సంఘటనలు ఆయనకు వివరించారు. గతంలో లోకసభ స్పీకర్ ఓం ప్రకాష్ బిర్లాకు, రాష్ట్ర ప్రభుత్వం నుంచి తనకు ఉన్న ఇబ్బందులు చెప్పి, లోకసభ స్పీకర్ ఓం ప్రకాష్ బిర్లా సూచనతోనే, ఆయన వై క్యాటగిరీ బద్రత తెచ్చుకున్న సంగతి తెలిసిందే. రాష్ట్ర ప్రభుత్వం తన పై వేధింపులు, అక్రమ కేసులు, ఇలా అనేక విషయాల పై, స్పీకర్ కు చెప్పి, కేంద్ర బలగాల బద్రత తెచ్చుకున్నారు. అయితే ఈ రోజు స్పీకర్ తో సమావేశం అయిన రఘురామరాజు, సుదీర్ఘంగా ఆయనతో చర్చించారు. అక్రమ కేసులు బనాయించటమే కాకుండా, అరెస్ట్ చేయటం, కస్టడీలో చేసిన థ-ర్డ్ డి-గ్రీ-తో పాటుగా, మెడికల్ రిపోర్ట్ ల తారు మారు, ఆర్మీ హాస్పిటల్ లో వేసిన ఎత్తులు, ఇలా అన్ని విషయాలు ఆయనకు వివరించారు. పార్లమెంట్ సభ్యడుగా తనకు ఉన్న హక్కులు కూడా ఏపి పోలీసులు ఉల్లంఘించారని, నలుగురి పై తాను సభా హక్కుల ఉల్లంఘన నోటీస్ ఇస్తానని, చెప్పి, నోటీస్ ఇచ్చినట్టు తెలుస్తుంది. ఆ నలుగురు పేర్లు ఏమిటో మాత్రం స్పష్టంగా తెలియలేదు.
సిఐడి చీఫ్ సునీల్ కుమార్ , డీజీపీ, గుంటూరు ఎస్పీ ఉన్నట్టు తెలుస్తుంది. వారి పై విచారణ చేసి, తగు చర్యలు తీసుకోవాలని కోరినట్టు తెలుస్తుంది. స్పీకర్ కూడా దీనికి సంబంధించి మరిన్ని వివరాలు అడిగి తెలుసుకున్నట్టు సమాచారం. ఇప్పటికే రఘురామరాజు కుటుంబ సభ్యులు కూడా, స్పీకర్ కు ఫిర్యాదు చేసిన సంగతి తెలిసిందే. ఇప్పుడు రఘురామరాజు స్వయంగా వెళ్లి, మరిన్ని వివరాలు కూడా అందచేసినట్టు తెలుస్తుంది. ఇక మరో పక్క రాష్ట్ర ప్రభుత్వ అదనపు అడ్వొకేట్ జెనెరల్ పొన్నవోలుపైఆయన ఆంధ్రప్రదేశ్ బార్ కౌన్సిల్‌కి ఫిర్యాదు చేసారు. పొన్నవోలు సుధాకర్ రెడ్డి అనే వ్యక్తి రాష్ట్ర ప్రభుత్వం నుంచి లబ్ది పొందతున్నారని, కొన్ని చానల్స్ కో కూర్చుని తన పై తప్పుడు వ్యాఖ్యలు చేస్తున్నారని ఫిర్యాదు చేసారు. హైకోర్ట్ ల కూడా ఇలాగే మాట్లాడితే, హైకోర్టు చివరి వార్నింగ్ ఇచ్చి వదిలేసిన సంగతి గుర్తు చేసారు. ఆయన బాధ్యతగల పదవిలో ఉండి ఇలాంటి పనులు చేయకూడదని, ఆయన పై తగు చర్యలు తీసుకోవాలని ఫిర్యాదులో తెలిపారు.