గత ఆరు నెలలు నుంచి ఏపిలో ఉద్యోగులు తీవ్ర అసంతృప్తిలో ఉన్నారు. ఎక్కడ గళం విప్పితే, ఎక్కడ తాము ప్రభుత్వ ఆగ్రహానికి గురి అవుతామో అని, ఆందోళన వ్యక్తం చేస్తున్నారు. అయితే రోజు రోజుకీ సమస్యలు ఎక్కువ అవుతూ ఉండటంతో, రాష్ట్ర ప్రభుత్వానికి షాక్ ఇచ్చారు. ఇన్నాళ్ళు సజ్జల రామకృష్ణ రెడ్డిని కలిసి, తమ విజ్ఞాపన పత్రాలు ఇస్తూ, విన్నవిస్తూ వస్తున్నారు. అదే విధంగా, కొన్ని ఉద్యోగ సంఘాల నేతలు జగన్ మోహన్ రెడ్డి దగ్గరకు వెళ్లి, సమస్యలు చెప్పుకున్నారు. అయితే ఈ సమావేశాలు అన్నీ కేవలం ఫోటోలకు మత్రమే పరిమతం అయ్యాయని, ఉద్యోగులు ఆవేదన చెందుతున్నారు. చీఫ్ సెక్రటరీని అడిగినా కూడా, తమ స్థాయిలో నిర్ణయం కాదని దాట వేస్తున్నారని, ఆవేదన వ్యక్తం చేస్తున్నారు. రాష్ట్ర ప్రభుత్వం తమకు ప్రతి నెల ఇవ్వాల్సిన నాలుగు వేల కోట్ల జీతాలు, పెన్షన్లు 1500 కోట్ల రూపాయలు, ఇవి చెల్లించటానికి ప్రతి నేలా ఇబ్బందులు పడుతూ, ప్రతి నెల వెతుక్కోవాల్సిన పరిస్థితి వచ్చిందని, సమయానికి జీతాలు ఇవ్వటం లేదని ఆవేదన వ్యక్తం చేస్తున్నారు. ఒకటో తేదీకి జీతాలు, పెన్షన్లు ఇవ్వటం లేదని ఆవేదన వ్యక్తం చేస్తున్నారు. ఆదాయానికి, ఖర్చులకు భారీగా తేడా ఉండటంతో, ఆ ఎఫెక్ట్ ఉద్యోగులు మీద పడుతుంది. దీంతో ఉద్యోగులు తీవ్ర ఆవేదన చెందుతున్నారు.
ఈ తరుణంలో, సిపీఎస్ ని వారం రోజుల్లో రద్దు చేస్తామని చెప్పిన జగన్ మాటలు కూడా గుర్తు చేసుకుంటున్నారు. ఇక పీఆర్సీ గురించి కూడా ఉద్యోగులు ఆశగా ఎదురు చూస్తున్నారు. ఇప్పటికే లేట్ అయ్యిందని, ఎప్పటికి ఇస్తారు అని అడుగుతున్నారు. ప్రస్తుత రాష్ట్ర ఆర్ధిక పరిస్థితి చూస్తే, ఇక అయ్యే పని కాదని గుర్తు చేస్తున్నారు. ఇక కనీసం రిటైర్డ్ అయిన ఉద్యోగులకు ఇవ్వాల్సిన బెనిఫిట్స్ కూడా ఇవ్వటం లేదని ఆవేదన వ్యక్తం చేసారు. ఈ రోజు ఉద్యోగ సంఘాలు అన్నీ జాయింట్ ప్రెస్ మీట్ పెట్టి, ఆవేదన వ్యక్తం చేసారు. జీతాలు ఇవ్వలేక పోతున్నారని, పీఆర్సి అడ్డ్రెస్ లేదని, సిపిఎస్ పోయిందని, జీతాలు లేట్ అవుతున్నాయి అని, మెడికల్ రీయింబర్స్మెంట్ విషయంలో, రిటైర్ అయిన ఉద్యోగులకు రావాల్సిన ఫలాలు, ఇలా ఏవి అమలు కావటం లేదని ఆవేదన వ్యక్తం చేస్తున్నారు. ఇచ్చిన మాట నిలబెట్టుకోవాలి అంటూ ప్రెస్ మీట్ లో ఆవేదన వ్యక్తం చేసారు. ఉద్యోగులతో తక్షణమే జగన్ సమావేశం అయ్యి, వెంటనే తమ సమస్య పరిష్కరించాలని, లేకపోతే అందరం ఇబ్బందులు ఎదుర్కోవాల్సి వస్తుందని, ఉద్యోగులు హెచ్చరికలు జారీ చేస్తున్నాయి.