దేశ రాజకీయాల్లో కన్సల్టెంట్ ల ప్రభావం ఎక్కువ అయిపొయింది. ప్రశాంత్ కిషోర్ అనే వ్యక్తి చేస్తున్న హంగామా అంతా ఇంతా కాదు. అతను గెలిపిస్తున్నా, అతని పై ఉన్న ప్రధాన ఆరోపణ, కులాలు, మతాలు, ప్రాంతాల మధ్య చిచ్చు పెట్టి, ఓట్లు దండుకుంటాడని. ప్రజల ఎమోషన్స్ తో ఆడుకుని, తన క్లేంట్ వైపు మళ్ళిస్తాడని. మన రాష్ట్రంలో కూడా ప్రశాంత్ కిషోర్ గురించి అందరికీ తెలుసు. జగన్ మోహన్ రెడ్డిని తీసుకురావటంలో ప్రశాంత్ కిషోర్ కీలక పాత్ర పోషించారు. ఉన్నది లేనట్టు, లేనిది ఉన్నట్టు చెప్పటంలో, ప్రశాంత్ కిషోర్ ని మించిన వారు లేరు. అయితే గత రెండున్నరేళ్ళుగా జగన్ మోహన్ రెడ్డి పరిపాలన పై పూర్తి వ్యతిరేకత వస్తుంది. ఎక్కడ చూసినా నిరాశ నిస్పృహల్లో ప్రజలు ఉన్నారు. అరకొర సంక్షేమం తప్ప, చెప్పుకోవటానికి ఏమి లేదు. గతంలో కాంగ్రెస్ పార్టీ హాయాంలో ఎలా ఉన్నారో, ఇప్పుడు ప్రజలు, రాష్ట్రం పరిస్థితి కూడా అలాగే ఉంది. ప్రజల్లో తన ఇమేజ్ అయిపోయిందని గ్రహించిన జగన్ మోహన్ రెడ్డి, మళ్ళీ ప్రశాంత్ కిషోర్ వైపు పరుగులు పెట్టారు. ప్రశాంత్ కిషోర్ వస్తున్నాడు అంటూ, గత క్యాబినెట్ సమావేశంలో జగన్ మోహన్ రెడ్డి, మంత్రులకు చెప్పారని వార్తలు వస్తున్నాయి. ప్రశాంత్ కిషోర్ వస్తున్నాడని, ఎన్నికల మూడ్ లోకి వెళ్లిపోవాలి అంటూ జగన్ చెప్పినట్టు అంటున్నారు.
అయితే ఇప్పుడు ప్రశాంత్ కిషోర్ టీం, ఆంధ్రప్రదేశ్ లో ఎంటర్ అయ్యింది. ప్రశాంత్ కిషోర్ టీం విశాఖపట్నంలో సర్వే చేసినట్టు ప్రముఖ పత్రికలో వార్తలు వచ్చాయి. ముందుగా విశాఖలో ప్రశాంత్ కిషోర్ టీం సర్వే చేయటం పై రాజకీయం ఆసక్తి కలుగుతుంది. రాష్ట్రం మొత్తంలో, వైసీపీ వీక్ గా ఉంది విశాఖపట్నంలోనే. అలంటి చోట నుంచి పీకే టీం పని మొదలు పెట్టింది. గత రెండు రోజులుగా ప్రశాంత్ కిషోర్ టీం అనేక విషయాల పై సర్వే చేసినట్టు తెలుస్తుంది. ముఖ్యంగా ఉత్త్రంద్రావ్ వేదికగా వైసీపీ చేస్తున్న అరాచకం పై, ప్రతి ఒక్కరూ పెదవి విప్పుతున్నారు. ఇప్పటికే విజయసాయి రెడ్డి ఉత్తరాంధ్రలో అనధికారిక ముఖ్యమంత్రిగా కూడా ఉన్నారు. చాలా వరకు ప్రజలు, వైసీపీ అసంతృప్తి వ్యక్తం చేసినట్టు తెలుస్తుంది. వీటి అన్నిటి నేపధ్యంలో, ఈ సర్వే ఇప్పుడు చర్చనీయంసం అయ్యింది. అలాగే వైసీపీ సెకండ్ గ్రేడ్ నాయకత్వం కూడా నిరాశలో ఉన్నట్టు ఈ బృందం గుర్తించినట్టు తెలిసింది. ఇక అధికారులు, వైసీపీ నాయకులు మధ్య కూడా సయోధ్య లేదని గుర్తించారు. ఈ వివరాలు చూస్తుంటే, పోయిన సారి లాగే, ఈ సారి కూడా విశాఖలో వైసీపీకి ప్రతికూల పరిస్థితే కనిపిస్తుంది.