వాళ్ళ ఇద్దరూ స్టార్ హీరోలు, ఇద్దరూ వేరే వేరే పార్టీలో రాజకీయాల్లో ఉన్నారు. ఇద్దరి మధ్య ఏ బేధాబిప్రాయం లేకపోయినా, వారి వారి అభిమానుల్లో, మాత్రం డివిజన్ ఉంది. వారే నందమూరి బాలకృష్ణ, పవర్ స్టార్ పవన్ కళ్యాణ్. ఇద్దరు నేతలు ఒకే వేదిక పైన వన్ టు వన్ కూర్చుంటే, అదీ బాలయ్య ఓపెన్ గా నిర్వహిస్తున్న అన్‌స్టాపబుల్ షో అయితే ? ఇరువురి అభిమానులకే కాదు, తెలుగు ప్రజలకు కూడా ఇది ఒక కనువిందు. ఇప్పుడు తెలుగు ప్రజలు ఇదే ఆస్వాదించబోతున్నారు. బాలయ్య నిర్వహిస్తున్న అన్‌స్టాపబుల్ షోకు, గెస్ట్ గా పవన్ కల్యాణ్ వస్తున్నారు. ఈ రోజు అన్నపూర్ణ స్టూడియోస్ లో ఈ ఎపిసోడ్ షూటింగ్ జరగనుంది. ఇప్పటికే బాలయ్య రాగా, మరి కొద్దిసేపట్లో పవన్ కళ్యాణ్ రానున్నారు. బాలయ్య పవన్ ని ఎలాంటి ప్రశ్నలు అడుగుతారు, రాజకీయంగా ఎలాంటి ప్రశ్నలు ఉండబోతున్నాయి, వాటికి పవన్ ఎలాంటి సమాధానాలు ఇస్తారు ? ఇవన్నీ తెర మీద చూడాల్సిందే. ఇప్పటికే అన్నపూర్ణ స్టూడియోస్ దగ్గర సందడి వాతావరణం నెలకొంది. బాలయ్య, పవన్ అభిమానుల కోలాహలం నెలకొంది. ఎపిసోడ్ సంక్రాంతి పండుగకు వచ్చే అవకాశాలు ఉన్నాయి.