ఆంధ్రప్రదేశ్ హైకోర్ట్ ఏపి ప్రభుత్వానికి షాక్ ఇచ్చింది. తూర్పుగోదావరి జిల్లాలోని హరిజా సొసైటీకి ప్రభుత్వం ఇదివరకు ఇచ్చిన భూమిని తమకు ఇష్టం వచ్చినట్లు స్వాధీనం చేసుకోవడం కుదరదని ఆంద్రప్రదేశ్ హైకోర్టు ప్రభుత్వాన్ని హెచ్చరించింది. ఈ హరిజన సొసైటీకి ఇచ్చిన స్థలం 48 సంవత్సరాల క్రితందని , ఇప్పుడు ప్రభుత్వం దాన్ని అక్రమంగా స్వాదీనం చేసుకుంటుందని హైకోర్టులో హరిజన సంఘం పిటిషన్ వేసింది. నిరుపేద దళితులకు వారు వ్యవసాయం చేసుకోవడం కోసం ఇచ్చిన పొలాన్ని నవరత్నాల పేరుతో జగన్మోహన్ రెడ్డి ప్రభుత్వం స్వాధీనం చేసుకోవాలని చూస్తుందని హరిజన సంఘం హైకోర్టులో పిటీషన్ వేసింది. ఆ పిటిషన్ తరపు లాయర్ శ్రావణ్ కుమార్ తన వాదనలు కోర్ట్ లో వినిపించారు. అయితే వాదనలు విన్న హైకోర్ట్ అక్రమ పద్దతుల్లో భూమిని స్వాదీన పరచుకోవడానికి కుదరదని, ప్రస్తుతానికి ఎటువంటి ఆక్రమణలు చెయ్యద్దని కోనసీమ కలెక్టర్కు , రామచంద్రపురం తహశీల్దారుకు ఆదేశాలు జరీ చేసింది. దీని పై తదుపరి విచారణ హైకోర్ట్ 4 వారాలకు వాయిదా వేసింది.