గ‌త కొద్దిరోజులుగా మంత్రి ధ‌ర్మాన ప్ర‌సాద‌రావుకి ఉత్తరాంధ్రపై ఎక్క‌డ‌లేని ప్రేమ త‌న్నుకొస్తోంది. ఉత్త‌రాంద్ర కోసం ఉద్య‌మిస్తున్నారు. వైసీపీ పెద్ద‌త‌ల‌కాయ‌ల దృష్టిలో ఉత్త‌రాంధ్ర అంటే శ్రీకాకుళం, విజ‌య‌న‌గ‌రం, విశాఖ‌ప‌ట్నం జిల్లాలు కాదండోయ్‌. ఓన్లీ విశాఖ. దానిచుట్టూ వున్న భూముల‌పైనే ఈ ప్రేమ అనేది అందరికీ అనేది టిడిపి వాదన కూడా. ఇప్పుడు ఉత్త‌రాంధ్ర‌ని రాష్ట్రం చేయాల‌ని అడ‌గ‌కుండా, విశాఖ‌ని ప్ర‌త్యేక రాష్ట్రంగా చేయాలంటున్నాడు ధ‌ర్మాన. స‌రే గోదావ‌రి, కృష్నా, గుంటూరు, రాయ‌ల‌సీమ రాజ‌కీయ పార్టీల పెత్త‌నంలో ఉత్త‌రాంధ్ర ఉండ కూడ‌ద‌నుకుంటే, మూడు జిల్లాల‌ని కాకుండా విశాఖ ఒక్క‌దాన్నే ప్ర‌త్యేక రాష్ట్రం అడ‌గ‌డంలో ఏంటి మ‌త‌ల‌బు అనేది చ‌ర్చ‌నీయాంశం అవుతోంది. మ‌రోవైపు విశాఖ‌తోపాటు ఉత్త‌రాంద్ర మూడు జిల్లాల‌పై మొన్న‌టివ‌ర‌కూ నెల్లూరు జిల్లాకి చెందిన విజ‌య‌సాయిరెడ్డి పెత్త‌నం సాగేది. ఇప్పుడు ప్ర‌కాశం జిల్లాకి చెందిన వైవీ సుబ్బారెడ్డి పెత్త‌నం సాగుతోంది. వీరి ఆజ్ఞ‌లేనిదే ఫ్యాక్ట‌రీల‌లో సెక్యూరిటీ గార్డు ఉద్యోగం కూడా వేయించుకోలేనంత అశ‌క్తులైపోయారు ఉత్త‌రాంధ్ర మంత్రులు, వైసీపీ నేత‌లు. మా ఉత్తరాంధ్రపై నెల్లూరు రెడ్డి, ప్ర‌కాశం రెడ్డి పెత్త‌నం ఏంటి అని మంత్రి ధ‌ర్మానకి ద‌మ్ముంటే ప్ర‌శ్నించాల‌ని టిడిపి నేత‌లు స‌వాల్ విసురుతున్నారు. ప‌రాయి జిల్లాల‌కు చెందిన రెడ్ల‌కు ఉత్త‌రాంధ్ర‌ని ధారాద‌త్తం చేసి, ఉత్త‌రాంధ్ర కోసం ఉద్య‌మం అంటే ఎవ‌రైనా న‌మ్ముతారా ధ‌ర్మానా?