వైసీపీకి ఇది నిజంగా షాకింగ్ న్యూస్. వైసీపీకి చెందిన ఎంపీలు, ఎమ్మెల్యేలు, కీల‌క నేత‌లు టిడిపిలో చేరేందుకు స‌న్నాహాలు చేసుకుంటున్నారు. వీరిలో చాలా మందికి టిడిపి నుంచి గ్రీన్ సిగ్న‌ల్ వ‌చ్చింద‌ని స‌మాచారం. నెల్లూరు ఎంపీ ఆదాల ప్ర‌భాక‌ర్ రెడ్డి, వెంక‌ట‌గిరి ఎమ్మెల్యే ఆనం రాంనారాయ‌ణ‌రెడ్డి కుటుంబాల‌తో స‌హా టిడిపిలో చేర‌బోతున్నారు. బాపట్ల జిల్లాకి చెందిన, మాజీ మంత్రిగా చేసిన వైసీపీ నేత ఒకరు టిడిపి గూటికి తిరిగి చేరాల‌నే ప్ర‌య‌త్నాలు విజ‌య‌వంతం అయ్యాయ‌ని తెలుస్తోంది. బీజేపీలోచేరే అవ‌కాశం దొర‌క‌క‌పోతే వైసీపీ ఎంపీ మాగుంట శ్రీనివాసులురెడ్డి టిడిపి గూటికి రావాల‌ని చూస్తున్నార‌ట. టిడిపిలో ఎప్పుడెప్పుడు చేరుదామా అని మాజీ మంత్రి వైసీపీ నేత డీఎల్ ర‌వీంద్రారెడ్డి ఎదురుచూస్తున్నారు. మాజీ హోం మంత్రి మేక‌తోటి సుచ‌రిత త‌న భ‌ర్త‌తో క‌లిసి టిడిపి తీర్థం పుచ్చుకోవాల‌ని చూస్తోంద‌ని గుస‌గుస‌లు వినిపిస్తున్నాయి. అయితే ఆ మాత్రం ఈ ప్రచారాన్ని ఖండించారు. మొత్తానికి నిన్న‌టి ప‌వ‌న్-బాబు భేటీతో వైసీపీలో ప్ర‌క‌పంన‌లు ఆరంభం అయ్యాయి. వైసీపీ నేత‌లు టిడిపిలో చేరిక వార్త‌ల‌తో వైసీపీలో వ‌ణుకు మొద‌లు కావ‌డం ఖాయ‌మంటున్నారు రాజ‌కీయ ప‌రిశీల‌కులు.