ప్రసిద్ద పుణ్యక్షేత్రం అయిన రామతీర్ధం దేవస్థానంలో, దేవస్థానం ధర్మకర్త, మాజీ కేంద్ర మంత్రి పూసపాటి అశోక్‍గజపతిరాజుకి తీవ్రమైన అవమానం కాదు, పరాభవం ఎదురైందని చెప్పుకోవచ్చు. వారి పూర్వికులు నిర్మించిన ఆలయంలో, ఆయనకు అవమానం జరిగింది. బొడికొండపై రామతీర్థం ఆలయ పునఃనిర్మాణ పనులు జరుగుతున్నాయి. గత ఏడాది కొంత మంది దుండగులు, ఆలయంలో రాముల వారి తల తీసిన సంగతి తెలిసిందే. దీంతో అక్కడ మళ్ళీ నూతనంగా ఆలయ నిర్మాణ పనులు జరుగుతున్నాయి. దీనికి ఈ రోజు శంకుస్థాపన చేస్తున్నారు. అయితే ఆ శిలాఫలకం పైన, కనీసం ప్రోటోకాల్ పాటించ లేదు. ఆ శిలాఫలకం పైన ప్రముఖంగా ఉండాల్సిన ఆలయ ధర్మకర్త పూసపాటి అశోక్‍గజపతిరాజు కానీ, సముచిత స్థానం కానీ, గుర్తింపు కానీ ఏమి లేకుండా ఆ బోర్డు ఉంది. ఉద్దేశ పూర్వకంగానే, అధికారులు, వైసీపీ నేతల్ ప్రమేయంతో, అశోక్ గజపతి రాజు పేరు అందులో పెట్టక పోవటాన్ని, అశోక్ గజపతి రాజు తీవ్రంగా విబేధించారు. ఇది అక్కడ ఉండటానికి వీలు లేదని అన్నారు. ఆయన ఆగ్రహించి, శిలాఫలకం పక్కకు నెట్టేసే ప్రయత్నం చేసారు. బోర్డును తొలగించే ప్రయత్నం చేయటంతో, అక్కడ ఉన్న వైసీపీ కార్యకర్తలు ఆయన్ను అడ్డుకున్నారు.
స్వల్ప తోపులాట జరగటం, అశోక్ గజపతి రాజుని పక్కకు నెట్టి వేయటంతో, ఆయన కొంత అస్వస్థతకు గురయ్యారు. అశోక్ గజపతి రాజు, ఈ పరిణామాన్ని జీర్ణించుకోలేక పోయారు. ఇది ప్రభుత్వ కార్యక్రమం కాదని, తమ పూర్వీకులు 400 ఏళ్ల క్రితం నిర్మించిన ఆలయంలో, ఆనవఇటీ అనేది లేకుండా, ఇష్టం వచ్చినట్టు చేస్తున్నారని ఆగ్రహించారు. ఆలయ ధర్మకర్తగా, కనీసం మర్యాద కూడా ఇక్కడ ఇవ్వటం లేదని అన్నారు. ఆలయ నిర్మాణానికి డబ్బులు ఇచ్చినా, చెక్కు వెనక్కు తిప్పి పంపించారని అన్నారు. అయితే ఈ ఘటన జరుగుతున్న సమయంలో అక్కడే దేవాదాయ మంత్రి వేల్లంపల్లి ఉన్నా, ఆయానకు అంత అవమానం జరుగుతున్నా, చూస్తూ కూర్చున్నారు. మరో పక్క అశోక్ గజపతి రాజుని కనీసం కొబ్బరికాయ కూడా కొట్టనివ్వనక పోవటంతో, మంత్రి వెల్లంపల్లి పై అసహనం వ్యక్తం చేసారు అశోక్ గజపతిరాజు. కాసేపట్లో ఇక్కడకు మంత్రి బొత్సా కూడా రానున్నారు. ఇంకా ఎన్ని ఘటనలు జరుగుతాయో, అశోక్ గజపతి రాజుని ఇంకా ఎంత అవమానిస్తారో చూడాలి.