ఆంధ్రప్రదేశ్ ప్రభుత్వం మరో భారీ యూ-టర్న్ తీసుకుంది. ఈ మధ్య కాలంలో వరుస పెట్టి, యూ-టర్న్ లు తీసుకుంటున్న జగన్ మోహన్ రెడ్డి ప్రభుత్వం, ఈ రోజు మరో యూ-టర్న్ తీసుకుంది. అదికూడా హైకోర్టులో. జగన్ మోహన్ రెడ్డి ప్రభుత్వం తీసుకునే చాలా నిర్ణయాలు తల తిక్క నిర్ణయాలు అంటూ, ఇప్పటికే అనేక మంది ప్రతి అంశంలో విమర్శలు చేస్తూ ఉంటారు. కోర్టులలో కూడా అనేక నిర్ణయాలు కొట్టేసారు. జగన్ మోహన్ రెడ్డి ప్రభుత్వం, ప్రభుత్వ పెద్దలు మమ్మల్నే ఎదిరిస్తారా ? మమ్మల్నే విమర్శిస్తారా అని ఎదురు తిరిగే వారు. అయితే, ఈ మధ్య కాలంలో తత్త్వం బోధ పడి మడమ తిప్పను, మాట తప్పను అనే వాళ్ళే, ఇప్పుడు భారీ భారీ యూ-టర్న్ లు తీసుకుంటున్నారు. ఇప్పటికే ప్రతిష్టాత్మకంగా తీసుకున్న మూడు రాజధానుల పై వెనక్కు తగ్గారు. మళ్ళీ పెడతాం అని చెప్తున్నా, అది జరిగే పనిలా కనిపించటం లేదు. అలాగే శాసనమండలి పైన కూడా వెనక్కు తగ్గారు. తాజాగా ఈ రోజు గ్రామ కార్యదర్శులనుగా పని చేసే వారిని మహిళా కానిస్టేబుళ్లు అంటూ తీసుకున్న నిర్ణయం పై వెనక్కు తగ్గారు. ఈ నిర్ణయం ప్రకటించినప్పుడే అనేక మంది విమర్శించారు. ఇది రాజ్యాంగ విరుద్ధ నిర్ణయం, పోలీస్ పదవులు, ఇలా ఎలా ఇస్తారు అంటూ, అనేక మంది విమర్శలు చేసినా, ప్రభుత్వం లెక్క చేయలేదు.
గ్రామ కార్యదర్శులను మహిళా కానిస్టేబుళ్లుగా నియమిస్తూ జీఓ నెంబరు 59న పైన, కొంత మంది హైకోర్టుకు వెళ్ళారు. దీని పైన ఈ రోజు విచారణ జరిగింది. దీని పైన ఈ రోజు ప్రభుత్వం తరుపున వాదనలు వినిపించారు. ప్రభుత్వం గ్రామ, వార్డు సచివాలయాలలో ఉన్న మహిళా కార్యదర్శులను, మహిళా పోలీసులుగా నియమిస్తూ జారీ చేసి, వారికి ఒక ప్రత్యెక డ్రెస్ కోడ్ కూడా ఇస్తూ నిర్ణయం తీసుకున్నారు. అయితే ప్రభుత్వం జారీ చేసిన జీవోని ఉపసంహరించుకుంటున్నాం అని, కోర్టుకు తెలిపారు , ప్రభుత్వం తరుపు న్యాయవాది. డ్రెస్ కోడ్ ని కూడా తీసేస్తున్నాం అని అన్నారు. అయితే వారి సేవలను ఎలా ఉపయోగించు కోవాలి అనే విషయం ప్రభుత్వం చర్చిస్తుందని కోర్టుకు తెలిపారు. ఈ పూర్తి విషయాలు అన్నిటినీ, ఈ పూర్తి సమాచారాన్ని, వచ్చే విచారణ లోపు కోర్టుకు చెప్తాం అని చెప్పారు. దీంతో కోర్టు ఈ కేసు వాయిదా వేసింది. మొత్తానికి 13 వేల మందిని ఇష్టం వచ్చినట్టు, పోలీసులగా నియమిస్తూ, తీసుకున్న నిర్ణయం పై వెనక్కు తగ్గింది.