ఆంధ్రప్రదేశ్ రాష్ట్రంలో అనేక స్కాంలు జరుగుతున్న విషయం పై, ప్రతిపక్షాలు, మీడియా ప్రతి రోజు ఆరోపణలు చేస్తూనే ఉంటాయి. అయితే ప్రభుత్వం వాళ్ళది కాబట్టి, అది నిజమో, అబద్ధమో తెలిసే అవకాసం అయితే లేదు. ఒకటి మాత్రం నిజం, లెక్కల్లో తేడాలు అయితే ఉన్నాయి. తెస్తున్న అప్పుకు, పెట్టే ఖర్చుకి, అబివృద్ధి అనేది అసలు లేకపోవటంతో, చాలా తేడాలు కనిపిస్తున్నాయి. ఇది ఇలా ఉంచితే, ఏపిలో సామాన్య ప్రజలకు కూడా తెలిసిన స్కాం, ఎఫెక్ట్ అయిన స్కాం ఏంటి అంటే, మద్యం. ఏపిలో మద్యం అంటేనే , అందరూ షాక్ అవుతారు. ముందుగా ఇక్కడ రేట్లు ఎక్కడా ఉండవు. అదేమిటి అంటే, ఎక్కువగా తాగకుండా ఉండటానికి, జగన్ మార్క్ స్కెచ్ అంటారు. తాగే వారు తగ్గుతున్నారా అంటే, ఆ దేవుడికే తెలియాలి. ఇక రెండోది బ్రాండ్లు. చిత్ర విచిత్రమైన బ్రాండ్ పేర్లు ఉంటున్నాయి. అసలు ఆ పేర్లు ఈ ప్రపంచంలోనే ఎక్కడా ఉండవు. అలాంటి బ్రాండులు ఉంటున్నాయి. ఇక మూడోది ఆ పిచ్చి బ్రాండులు తయారు చేసే కంపెనీలు. ఆ కంపెనీలు ఎవరివో అందరికీ తెలిసిందే. అన్నిటి కంటే, ఇక్కడ మరో కీలకమైన విషయం ఉంది. మద్యం షాపుల్లో కేవలం నగదు రూపంలోనే పేమెంట్ చేయాలి అనే కండీషన్ పెట్టారు. ఎక్కడా కార్డులు కానీ, ఇతర డిజిటల్ పేమెంట్ చేసే సదుపాయం లేదు.
ఇది కూడా ఒక పెద్ద స్కాం అనే ఆరోపణలు ఉన్నాయి. అయితే ఇప్పుడు ఇదే విషయం పైన వైఎస్ఆర్ కాంగ్రెస్ పార్టీ ఎంపీ రఘురామకృష్ణం రాజు పార్లమెంట్ లో ఈ విషయం లేవనెత్తారు. మన దేశం డిజిటల్ ఇండియా అంటూ, డిజిటల్ పేమెంట్స్ ని ప్రోత్సహిస్తుందని అన్నారు. దీని ద్వారా అవినీతి కూడా తగ్గుతుందని అన్నారు. అయితే మా ఆంధ్రప్రదేశ్ లో మాత్రం పూర్తి వ్యతిరేకంగా జరుగుతుందని అన్నారు. మా రాష్ట్రానికి వచ్చే ఆదాయం ఎక్కువగా మద్యం నుంచి వస్తుందని, దాదాపుగా 40 వేల కోట్ల రూపాయల ఆదాయం కేవలం మద్యం మీద వస్తుందని అన్నారు. ఇంత పెద్ద మొత్తం, కేవలం క్యాష్ రూపంలోనే జరుగుతుందని, ఎక్కడా డిజిటల్ పేమెంట్ ఒప్పుకోవటం లేదని అన్నారు. ఇదే విషయం మా ముఖ్యమంత్రికి ఇచ్చిన ఏమి లాబ్ధం లేదని అన్నారు. ఇలా చేస్తే పెద్ద మొత్తంలో అవినీతికి పాల్పడే అవకాసం ఉంటుందని, అందుకే మా రాష్ట్రంలో మద్యం అమ్మకాల పై డిజిటల్ పేమెంట్స్ కూడా పెట్టేలా చూడాలని, తద్వారా అవినీతి లేకుండా ఉంటుందని అన్నారు.