సినిమా టికెట్ల మధ్య వ్యవహారం, పేర్ని నాని, రామ్ గోపాల్ వర్మ మధ్య చర్చలు దారి తీసిన సంగతి తెలిసిందే. చిరంజీవి, మోహన్ బాబు, దిల్ రాజు లాంటి వాళ్ళు ఎన్నో మాటలు మాట్లాడినా, చివరకు వారు ఏమి చేయాలని పరిస్థితి. కబురులుతోనే అయిపొయింది. అసలు ప్రభుత్వానికి, సినీ ఇండస్ట్రీ పై ఎందుకు కోపమో తెలియదు. ఇవన్నీ పక్కన పెడితే, మధ్యలో రామ్ గోపాల్ వర్మ సీన్ లోకి ఎంటర్ అయ్యారు. చివరకు పేర్ని నానితో సమావేశం పెట్టుకున్నారు. ఇప్పటికే వర్మ గన్నవరం ఎయిర్ పోర్ట్ కు చేరుకొని, సచివాలయానికి బయలు దేరారు. మరి కాసేపట్లో వర్మ, భేటీ కాబోతున్నారు. అయితే ఇంత ఇంపార్టెంట్ విషయం పై మాట్లాడుతూ ఉండగానే, వైసీపీకి చెందిన సీనియర్ ఎమ్మెల్యే నల్లపురెడ్డి ప్రసన్న కుమార్ రెడ్డి చేసిన వ్యాఖ్యలు, వివాదాస్పదం అయ్యాయి. సినిమా వాళ్ళు బలిసి కొట్టుకుంటున్నారని అన్నారు. సామాన్యులకు సినిమా చేసే ఉద్దేశంతోనే, జగన్ మోహన్ రెడ్డి ఈ నిర్ణయం తీసుకున్నారని ఆయన అన్నారు. సినిమా వాళ్ళు బలిసి కొట్టుకుంటున్నారని, ఇక్కడ జగన్ మోహన్ రెడ్డి అనే ఒక సియం ఉన్నాడని గుర్తించటం లేదని అన్నారు. మరి ఈ అంశం చర్చలు జరుగుతున్న సందర్భంలో రావటం, అందరినీ ఆశ్చర్యానికి గురి చేసింది. మరి రామ్ గోపాల్ వర్మ ఎలా స్పందిస్తారో చూడాలి.