రఘురామకృష్ణం రాజు తన సొంత ప్రభుత్వం పై విమర్శలు చేయడం కొత్తేమీ కాదు. అయితే తాజాగా రఘురామకృష్ణం రాజు ఇచ్చిన ఒక మీడియాతో మాట్లాడుతూ, తమ MLAలకు పార్టీలో విలువే లేదని సంచలన వ్యాఖ్యలు చేసారు. ఒక MLA ను బేస్ బాల్ బ్యాట్ పెట్టి కొట్టారని ఆయన కీలక వ్యాఖ్యలు చేసారు. కొట్టడం కొత్తేమి కాదు అని, ఇది వరకు చీఫ్ సెక్రటరీనే కొట్టబోయారని ఆయన చెప్పు కొచ్చారు. మా పార్టీ అంతా పోకిరీ సినిమా టైపు అని, ఎందుకంటే అందులో అన్నటు గిచ్చితే గిచ్చించుకోవాలి అన్నట్టు మా పార్టీలో కూడా కొడితే కొట్టించుకోవాలి అని అన్నారు. నిజంగా కొట్టారా అని అడిగితే, కొట్టారని టాక్ అని రఘురామకృష్ణం రాజు చెప్పుకొచ్చారు. ఎందుకంటే రూమ్ లోపలకు వెళ్లి బయటకు వచ్చిన MLA కళ్ళజోడు విరిగిపోయింది,పెదం పగిలింది, రూమ్ లోకి వెళ్లి రాంగానే దానంతట అదే విరిగిపోయిందేమో, పెదం దానంతట అదే పగిలిందేమో నాకు తెలియదు అని వెటకారం చేసారు. లేకపోతే ఆ MLA కళ్ళజోడు ఆయనే విరకోట్టుకున్నాడేమో ,పెదం ఆయనే పగల కొట్టుకున్నాడెమో నాకు తెలియదని రఘురామకృష్ణం రాజు చెప్పిన వ్యాఖ్యలు ఇప్పుడు తెగ వైరల్ అవుతున్నాయి. ఇంతకు ఎవరు ఆ MLA అని అడిగిన ప్రశ్నకు మాత్రం RRR మాట దాటేసారు. ఆ MLA ఎవరు అన్న దానిపై సోషల్ మీడియాలో చర్చ జరుగుతుంది. కొట్టింది ఎవరో కూడా తెలియదు మరి.