రాష్ట్రంలో జరుగుతున్న అరాచకాల పై, ఈ రోజు బొండా ఉమా, బుద్దా వెంకన్న పై జరిగిన హ-త్యా-యత్నం పై చంద్రబాబు ఎన్టీఆర్ భవన్ లో ప్రెస్ మీట్ లో మాట్లాడారు. ఆయన మాట్లాడుతూ, ప్రజలకు దండం పెడుతూ, భావోద్వేగానికి లోనయ్యారు. "ప్రజలే నిర్ణయించుకోవాలి. రాష్ట్రాన్ని కాపాడుకుంటారా లేదా శాశ్వతంగా తాకట్లు పెట్టుకుంటారా, ప్రజలే ఆలోచించాలి. ఇది చూసిన తర్వాతైనా ప్రజలకు కనువిప్పు కలగాలి. రాజకీయ పార్టీలలో కనువిప్పు కలగాలి. ప్రజల్లో ఆలోచన జరగాలి. చేతులు దండం పెట్టి అడుగుతున్నా మీరు ఆలోచించండి అని. నేను నావంతుగా నియంతపై పోరాటం చేస్తున్నాను. వద్దని చెప్పండి నేను కూడా మానేస్తాను." అంటూ చంద్రబాబు ఒకింత భావోద్వేగానికి లోనయ్యారు. నేను వెళ్ళమంటే, బొండా ఉమా, బుద్దా వెంకన్న అక్కడకు వెళ్లారు, ఒక వేళ వారికి జరగరానిది ఏమైనా జరిగి ఉంటే, నేను జీవితాంతం బాధ పడుతూ, ఆ కుటుంబాలకు సమాధానం చెప్పుకోవాల్సి ఉండేది. వారిని నేనే అక్కడకు పంపించాను అంటూ చంద్రబాబు అన్నారు.
చంద్రబాబు ప్రెస్ మీట్ ముఖ్యాంశాలు... "ఇంత దుర్మార్గాన్ని ఎక్కడా చూడలేదు. రాక్షస రాజ్యం కూడా ఇలా ఉండదు. నిన్న బోదిలవీడులో కేస్ట్ సర్టిపికెట్ పైన అవన్నీ మీరు చూస్తే మావాళ్లు పోరాడి, నామినేషన్లు వేయడానికి వెళ్తే పేపర్లు చించేశారు. పోలీసులు ఏమాత్రం స్పందించలేదు. దానిపై పార్టీ తరఫున ఫాక్ట్ ఫైండింగ్ కమిటి గా మాజీ ఎమ్మెల్యే బోండా ఉమామహేశ్వర రావు, ఎమ్మెల్సీ బుద్దా వెంకన్న, హైకోర్టు అడ్వకేట్ పారా కిషోర్ ముగ్గురినీ పంపాం. అక్కడికి వెళ్తే వైసిపి వాళ్లెంత రా-క్ష-సం-గా వ్యవహరించారో మీరే చూడండి. వీళ్లు వెళ్తావుంటే, ‘‘అదిగో బ్లాక్ కార్’’ అని ఛేజ్ చేస్తున్నారో చూడండి..‘‘పెద్ద ఐరన్ రాడ్ తో కారు అద్దాల్లోగుండా ఎలా పొడుస్తున్నారో చూడండి..ఆ కారులో మనుషులు ఉన్నారు. అయినా రాక్షసంగా ఎలా దాడిచేశారో’’ ఈ వీడియోనే ప్రత్యక్ష సాక్ష్యం. నేను ఎస్పీకి ఫోన్ చేసి చెప్పిన తర్వాత కూడా జరిగిందంటే ఇంకా పోలీసులు ఉండీ ఎందుకు..? మీ ఇష్ట ప్రకారం చేస్తారా మీరు ..కనీసం చీమ కుట్టినట్లు కూడా లేదు. అరాచక శక్తుల ఆగడాలను నియంత్రించలేరా..? దీనికి అధికారులే జవాబివ్వాలి..? కాశ్మీర్ లో, బీహార్ లో ఇలాంటి దుర్మార్గాలు జరగలేదు. అయినా రాజీలేకుండా పోరాటం చేస్తాం. ప్రజలే నిర్ణయించుకోవాలి. రాష్ట్రాన్ని కాపాడుకుంటారా లేదా శాశ్వతంగా తాకట్లు పెట్టుకుంటారా, ప్రజలే ఆలోచించాలి.
ఇది చూసిన తర్వాతైనా ప్రజలకు కనువిప్పు కలగాలి. "
"రాజకీయ పార్టీలలో కనువిప్పు కలగాలి. ప్రజల్లో ఆలోచన జరగాలి. వాళ్లు ముగ్గురు చనిపోతే ఎవరిది బాధ్యత.? ప్రజాస్వామ్యం అంటే ఇదేనా..? ఈ ప్రజాస్వామ్యాన్ని కాపాడుకోడానికి వాళ్లు చనిపోవాల్నా? ర-క్త-పు మ-డు-గు-లో వాళ్లు కనబడటం లేదా..? ఏమనుకుంటున్నారు మీరంతా...? ఎక్కడికి తీసుకెళ్తున్నారు రాష్ట్రాన్ని.? వల్లకాడు చేస్తారా రాష్ట్రాన్ని..? అడ్డం వచ్చినవాళ్లపై దాడులు చేస్తారా? పోలీసు వాహనాలపై దా-డి-చే-సే ధైర్యం వచ్చిందంటే ఏమనాలి..? నేను ప్రతి నిముషం పిటిషన్లు పెట్టుకుని ఎన్నికల్లో పోటి చేయాల్నా..? స్వేచ్ఛ లేదా మాకు నామినేషన్లు వేయడానికి, నాజీవితంలో ఎప్పుడూ చూడలేదు. చూద్దాం ఎక్కడిదాకా వెళ్తారో..? ప్రజాదరణ ఉంటే ఎందుకు భయపడుతున్నారు..? ఎందుకీ దుర్మార్గాలకు పాల్పడుతున్నారు? చేతులు దండం పెట్టి అడుగుతున్నా మీరు ఆలోచించండి అని. నేను నావంతుగా నియంతపై పోరాటం చేస్తున్నాను. వద్దని చెప్పండి నేను కూడా మానేస్తాను. రాష్ట్రంలో ఎక్కడ ఉంటే రక్షణ చెప్పండి..? ఇంట్లో ఉంటే రక్షణా, ఆఫీసుకు వెళ్తే రక్షణా, ఎక్కడుందీ రక్షణ అని ఈ పోలీసులను ప్రశ్నిస్తున్నా..? చెప్పుకోడానికి కూడా అవకాశం దొరకని డిజిపి ఉన్నారు మన రాష్ట్రంలో. వాళ్లకే రక్షణ లేకపోతే ఎవరికి రక్షణ కల్పిస్తారు మీరు. ’’ అంటూ చంద్రబాబు అగ్రహోదగ్రుడయ్యారు.