తెలుగుదేశం పార్టీ అధినేత చంద్రబాబు నాయుడుని రాష్ట్ర వ్యాప్తంగానే కాదు, దేశ వ్యాప్తంగా కూడా, హేళన చెయ్యటానికి, వైసీపీ వేసిన ప్లాన్, అట్టర్ ఫ్లాప్ అయ్యింది. నేషనల్ మీడియాని కూడా తీసుకువచ్చి, వారి ముందు చంద్రబాబుకి ఈ రాష్ట్రంలోనే కాదు, ఆయన సొంత ఊరిలో కూడా బలం లేదు అని, హేళన చెయ్యటానికి వేసిన ప్లాన్ ఫ్లాప్ అయ్యింది. చంద్రబాబు ప్రస్తుతం రాష్ట్రానికి ఒక రాజధాని ఉండాలి, అమరావతి రైతులకు అన్యాయం చెయ్యకండి అంటూ, జగన్ మోహన్ రెడ్డి పై, పోరాటం చేస్తున్నారు. రైతుల పోరాటానికి, మద్దతు తెలుపుతున్నారు. మరో పక్క, ఇప్పటికే జగన్ మూడు రాజధానుల నిర్ణయం తుగ్లక్ నిర్ణయం అంటూ, దేశ వ్యాప్తంగా మీడియాలో వస్తుంది. ఈ నేపధ్యంలోనే, చంద్రబాబు వాదన తప్పు, మా వాదనే కరెక్ట్ అని చెప్పే విధంగా, వైసీపీ ప్రభుత్వం చంద్రబాబుని ఇబ్బంది పెట్టే ప్లాన్ వేసింది. చంద్రబాబు స్వగ్రామం అయిన, నారావారి పల్లెలో, పెద్ద బహిరంగ సభ పెట్టారు. చంద్రబాబు సొంత ఊరిలోనే , ప్రజలను ఆయనకు అనుకూలంగా లేరు చూసారా అంటూ, చెప్పాలని అనుకుంది.
దీంతో, నిన్న ఉదయం నుంచి అక్కడ ఉద్రిక్త వాతవరణం నెలకొంది. నారా వారిపల్లెతో పాటు, చుట్టు పక్కల ఉళ్లు అన్నీ, తెలుగుదేశం పార్టీకి అండగా ఉండే గ్రామలు కావటంతో, ఎలాంటి పరిస్థితి వస్తుందో అని పోలీసులు కూడా టెన్షన్ పడ్డారు. వైసీపీ సభ పై, ఎక్కడ తెలుగుదేశం కార్యకర్తలు వచ్చిన అడ్డుకుంటారో, ఎలాంటి పరిస్థితి వస్తుందో అని, పోలీసులు టెన్షన్ పడ్డారు. దీంతో పోలీసులు ఉదయం నుంచి, ఎక్కువ పోలీస్ ఫోర్సు పెట్టటంతోగా, అటు వైపు రాకపోకలు సాగించే వాహనాలు కూడా తనిఖీలు చేసారు. దీంతో నిన్న ఉదయం నుంచి ఆ ప్రాంతంలో హంగామా నెలకొంది. ప్రశాంతంగా ఉండే గ్రామంలో, ఒక పక్క మీడియా, మరో పక్క పోలీసులు హడావిడితో, నారావారి పల్లె దద్దరిల్లి పోయింది. ఏ క్షణాన ఏమి జరుగుతుందో అని అనుకున్నారు.
అయితే తెలుగుదేశం పార్టీ శ్రేణులు సంయమనం పాటించటంతో, అంతా ఊపిరి పీల్చుకున్నారు. అయితే ఇదే సమయంలో, వైసీపీ డొల్లతనం బయట పడింది. భారీ ఎత్తున సభ పెడుతున్నాం అని హడావిడి చెయ్యటంతో, అందరూ ఏదో అనుకుంటే, చివరకు తుస్సు మానిపించారు. సభ ప్రారంభం అయిన, 15 నిమిషాలకే, సభలో కుర్చీలు అన్నీ ఖాళీ అయిపోయాయి. పట్టుమని 500 మంది కూడా లేరు. ప్రభుత్వంలో ఉండి, డ్వాక్రా మహిళలు, గ్రామ వాలంటీర్లు, సచివాలయ సిబ్బందిని బలవంతంగా రప్పించినా, చివరకు 15 నిమిషాల్లోనే అందరూ వెళ్ళిపోయారు. దీంతో సభకు హాజరైన మంత్రులు, సభ నిర్వహించిన చెవిరెడ్డి షాక్ అయ్యారు. చంద్రబాబుని దెబ్బ తీద్దాం అని జాతీయ మీడియాని పిలిపిస్తే, వారి ముందే వైసీపీ పరువు పోయింది. అందుకే అంటారు, చెరపకురా చెడేవు అని.