ఆంధ్రప్రదేశ్ మాజీ ఐఏఎస్ అధికారి, జగన్ మోహన్ రెడ్డి సియంఓలో మొన్నటి వరకు పని చేసిన పీవీ రమేష్ సోదరుడు అయిన రాజశేఖర్ జోషి అదృశ్యం అవ్వటం, సంచలనంగా మారింది. రాజశేఖర్ జోషి నిన్న రాత్రి రాజమండ్రి నుంచి విజయవాడ క్రీస్తురాజపురంలో ఉన్న తన నివాసానికి వచ్చారు. అయితే రాజశేఖర్ జోషి వచ్చే సమయానికి, ఇంటి చుట్టూ పోలీసులు ఉన్నారని కుటుంబ సభ్యులు ఆరోపిస్తున్నారు. రాజశేఖర్ జోషి గత రాత్రి నుంచి కనిపించకుండా పోయారని కుటుంబ సభ్యులు ఆరోపిస్తున్నారు. రాజశేఖర్ జోషి కనిపించకుండా పోవటం పై, ఆందోళన వ్యక్తం చేస్తున్నారు. అయితే పోలీసులే తమ కొడుకుని తీసుకుని వెళ్ళారని, ఆచూకీ చెప్పాలని పోలీసులను డిమాండ్ హ్సుస్తున్నారు. అసలు ఏ కేసులో తీసుకుని వెళ్ళారో తెలియటం లేదని అంటున్నారు. అయితే రాజశేఖర్ జోషి తల్లిదండ్రులు, ఏపి సిఐడి చీఫ్ సునీల్ కుమార్ పైన ఆరోపణలు చేస్తున్నారు. పీవీ రమేష్ సోదరిని, సిఐడి సునీల్ కుమార్ పెళ్లి చేసుకున్నారు. తరువాత క్రమంలో సునీల్ పైన గృహ హింస కేసు పెట్టారు. ఇప్పుడు ఆ కక్షతోనే, తనా కొడుకుని వేధిస్తున్నారని ఆరోపిస్తున్నారు. అయితే ఈ వార్త మీడియాలో రావటంతో, ఇప్పుడు పోలీసులు వచ్చి, రాజశేఖర్ జోషికి నోటీసులు ఇవ్వటానికి వచ్చాం అని చెప్పటంతో, కుటుంబ సభ్యులు అవాక్కయ్యారు. పోలీసులే తీసుకుని వెళ్లి ఇప్పుడు ఈ నాటకాలు ఏంటి అంటూ ఆరోపిస్తున్నారు.