ఉన్నది లేనట్టు, లేనిది ఉన్నట్టు చేయటంలో వైసీపీ దిట్ట. ఇప్పటికే అనేక ఫేక్ ఆరోపణలు చేసి, ఫేక్ పనులు చేసి, అడ్డంగా దొరికినా వైసీపీ బుద్ధి మాత్రం మారటం లేదు. ఈ ఫేక్ చేయటంలో, కళ్ళ ముందు ఉన్న ఉదాహరణ, వివేక ఘటన. చంద్రబాబు చేపించాడు అంటూ ఫుల్ పేజి వార్తలు రాసి ఎలా ప్రచారం చేసారో, ఇప్పుడు సిబిఐ విచారణలో ఎవరి పేర్లు బయటకు వస్తున్నాయో చూస్తున్నాం. ఇలా ఫేక్ చేయటానికి అలవాటు పడిన వైసీపీ, ఇప్పుడు యుద్ధం జరుగుతున్న ఉక్రెయిన్ లో తెలుగు వారి ఇబ్బందులను అడ్రెస్ చేస్తున్న చంద్రబాబు ప్రయత్నాన్ని కూడా ఫేక్ చేసేంత దిగజారి ప్రవర్తిస్తుంది. ఉక్రెయిన్ లో చిక్కుకున్న తెలుగు వారి కోసం చంద్రబాబు రంగంలోకి దిగారు. అక్కడ చిక్కుకున్న తెలుగు వారితో మాట్లాడుతున్నారు. వారి సమస్యలు ఏమిటో అడిగి తెలుసుకుంటున్నారు. ఆ సమస్యలను కేంద్రం దృష్టికి తీసుకుని వచ్చి, వాటి పరిష్కారం కోసం ప్రయత్నం చేస్తున్నారు. అలాగే అవసరమైన సహాయం, అక్కడ ఉన్న ఎన్ఆర్ఐ వాళ్ళతో కలిసి చేస్తున్నారు. చేతనైన సహాయం చేస్తూ, తన వంతు పాత్ర పోహిస్తున్నారు. సహజంగా అధికారంలో ఉన్న జగన్ మొహన్ రెడ్డి ఏమి చేస్తున్నారు అనే ప్రశ్న వస్తుంది, దానికి ఏమి సమాధానం చెప్పాలో తెలియక వైసీపీ ఫేక్ చేయటం మొదలు పెట్టింది.
చంద్రబాబు వీడియోలు, పది సెకండ్లు, 20 సెకండ్లు కట్ చేసి, అక్కడ విషయం ఏమిటో చెప్పకుండా, అసంబద్ధంగా ఉన్న చంద్రబాబు మాటలను ఫేక్ చేసారు. అక్కడి వారు, తమకు వేరే ప్రదేశానికి వెళ్ళటానికి ఇబ్బందిగా ఉందని, మధ్యంలో బ్రిడ్జిలు పేల్చేసారని, ఎలాగైనా సహాయం చేయాలని చంద్రబాబుని కోరారు. దీనికి చంద్రబాబు, గూగుల్ మ్యాప్స్ ద్వారా ఎన్ని పేల్చేసారో చూసి, దాని ప్రకారం, ఏ రూట్ లో వేళ్ళలో ప్లాన్ చేయాలని, వారికి సహాయం చేయాలని ఆదేశించారు. అయితే "గూగుల్ మ్యాప్స్ ద్వారా ఎన్ని పేల్చేసారో చూద్దాం" అనే మాటలు వరుకే కట్ చేసి, ఎన్ని బాంబులు పడ్డాయో చూద్దాం అని చంద్రబాబు చెప్పారు అంటూ, ఆయన్ను హేళన చేస్తూ, వైసీపీ ఫేక్ చేసింది. దీనికి తెలుగుదేశం పార్టీ పూర్తి వీడియో పెట్టి, చంద్రబాబు గారు మాట్లాడింది, బ్రిడ్జిలు ఎన్ని కూల్చారో అని అంటే, వైసీపీ ఇలా ఫేక్ చేస్తుందని, చివరకు యుద్ధం జరుగుతున్న సందర్భంలో కూడా, ఇలా ఫేక్ చేయటం ఏమిటి అంటూ, వైసీపీకి కౌంటర్ ఇచ్చింది టిడిపి.