తెలుగు రాష్ట్రాల్లో సంచలనం సృష్టించిన వైఎస్ వివేక కేసుకు సంబంధించి, పరిణామాలు వేగంగా జరిగిపోతున్నాయి. సిబిఐ ఎంక్వయిరీ మొదలు పెట్టిన తరువాత, అనేక విషయాలు బయటకు పడ్డాయి. ఇప్పటి వరకు సిబిఐ , అయుదు మందిని సిబిఐ నిందితులుగా గుర్తించింది. అయితే ఇప్పుడు సాక్ష్యులు ఇచ్చిన సమాచారంతో, మొత్తం వేళ్ళు అన్నీ కూడా అవినాష్ రెడ్డి వైపు చూపిస్తున్నాయి. దస్తగిరి అప్రూవర్ గా మారిన తరువాత, అనేక విషయాలు బయటకు వచ్చాయి. అందులో ప్రధానంగా వైఎస్ కుటుంబ సభ్యులు చెప్పిన విషయాలు ఇప్పుడు హాట్ టాపిక్ అయ్యాయి. అందరి స్టేట్మెంట్లలో ముగ్గిరి పేర్లు మాత్రం కామన్ గా ఉన్నాయి. వారే వైఎస్ అవినాష్ రెడ్డి, వైఎస్ భాస్కర్ రెడ్డి, దేవిరెడ్డి శంకర్ రెడ్డి. ప్రతి ఒక్కరూ వరుసగా ఇచిన ప్రతి స్టేట్మెంట్ లో, అవినాష్ రెడ్డి పేరు ఉంది. ఇక ఈ రోజు వైఎస్ వివేక కుమార్తె , సునీత సిబిఐకు ఇచ్చిన స్టేట్మెంట్ బయటకు వచ్చింది. ఇందులో జగన్ మోహన్ రెడ్డి, భారతి రెడ్డి వైఖరి పై కూడా ఆవిడ చెప్పిన విషయాలు సంచలనంగా మారాయి. ఆ రోజు జగన్ మాటలు ఆశ్చర్యానికి గురి చేసాయని, ఆమె తెలిపారు. ఒకానొక సందర్భంలో తన భర్త పైనే ఆరోపణలు చేసారని, ఆమె సిబిఐకి తెలిపింది. అలాగే భారతి రెడ్డి వైఖరి పై కూడా ఆమె సిబిఐకి తెలిపింది.
అవినాష్ రెడ్డి పేరు గురించి జగన్ చెప్తూ, సిబిఐ విచారణ కోరితే, జగన్ స్పందిస్తూ, అవినాష్ రెడ్డి పై సిబిఐ కేసు పెడితే ఏమి అవుతుంది, బీజేపీలో చేరతాడు, నా విషయానికి వస్తే, ఇప్పటికే 11 కేసులు ఉన్నాయి, ఇది 12వ కేసు అవుతుంది అంటూ, జగన్ స్పందించిన తీరు గురించి, సునీత చెప్పారు. ఇలా వైఎస్ సునీత ఇచ్చిన స్టేట్మెంట్ ఇప్పుడు సంచలనం సృష్టిస్తూ ఉండగా, ఇప్పుడు వైఎస్ సునీత, మరో సంచలనానికి తెర లేపారు. ఈ రోజు వైఎస్ సునీత, లోక్‍సభ స్పీకర్ ఓంబిర్లాకు ఒక లేఖ రాసారు. వివేక కేసులో, వైఎస్ఆర్ కాంగ్రెస్ పార్టీ ఎంపీ అవినాష్ రెడ్డి పాత్ర ఉందని, ఆమె స్పీకర్ కు తెలిపారు. వివేక కేసులో అవినాష్ రెడ్డి పాత్ర గురించి తేల్చాలి అంటూ, విచారణ చేయాలి అంటూ, స్పీకర్ కు సునితా రెడ్డి చెప్పారు. సిబిఐకి, సునీత ఇచ్చిన స్టేట్మెంట్ కూడా ఆ లేఖకు జత పరిచి, స్పీకర్ కు పంపించారు. అలాగే సిబిఐకి, వేరే నిందితులు ఇచ్చిన స్టేట్మెంట్ లను కూడా, ఆమె జత పరిచారు. మొత్తం మీద, త్వరలోనే ఈ కేసు ఒక కొలిక్కి వచ్చే అవకాసం కల్పిస్తుంది.