ఈ రోజు భీమ్లా నయాక్ సినిమా రిలీజ్ అవుతున్న సంగతి తెలిసిందే. అయితే ఇప్పటి వరకు కూడా సినిమా టికెట్ల అంశం సెటిల్ అవ్వలేదు. చిరంజీవి, మహేష్ బాబు, ప్రభాస్ లాంటి హేమా హేమీలు వచ్చి, బ్రతిమిలాడినా, ఇప్పటికే ఆంధ్రప్రదేశ్ లో కొత్త రేట్ల పై క్లారిటీ లేదు. ఇది ఒక పక్కన అయితే, సహజంగా పెద్ద హీరో సినిమా వస్తుంటే, మొదటి రోజు బెనిఫిట్ షోలు వేయటం, లేదా అదనంగా షో లు వేయటం సర్వ సాధారనం. ఏ ప్రభుత్వంలో అయినా ఇలాగే చేసారు. అయితే ఇప్పుడు జగన్ మోహన్ రెడ్డి, ఆంధ్రప్రదేశ్ రాష్ట్రంలో ఎలాంటి బెనిఫిట్ షో లకి అనుమతి ఇవ్వలేదు. అలాగే ఎక్కువ షో లకు కూడా అనుమతి లేదు. ఎలాగూ టికెట్ ధరలు పెంచటానికి లేదు. సి సెంటర్స్ లో అయితే 5 రూపాయల టికెట్ కూడా అమ్మాల్సిన పరిస్థితి. దీనికి తోడుగా, భీమ్లా నాయక్ సినిమా ఆడుతున్న ధియేటర్లలో ఎంఆర్ఓలను పెట్టి, బెనిఫిట్ షో లు వేస్తున్నారా, టికెట్ ధరలు తక్కువే ఉన్నాయా అంటూ చూడాలని, ప్రభుత్వం ఆదేశించటం, అందరినీ ఆశ్చర్యానికి గురి చేసింది. గతంలో అఖండ, పుష్ప సినిమాలకు కూడా ఇలాగే ఇబ్బందులు పెట్టారు. ఇప్పుడు పవన్ కళ్యాణ్ సినిమాకి కూడా ఇలాగే ఇబ్బందులు పెట్టారు. కావాలనే కక్ష సాధింపు ధోరణిలో భాగంగానే ఇలా చేసారని అభిప్రయాలు వ్యక్తం అవుతున్నాయి.
జగన్ మోహన్ రెడ్డి వైఖరి పై చంద్రబాబు ఈ రోజు ట్వీట్ చేసారు. రాష్ట్రంలో అన్ని వ్యవస్థలను జగన్ మోహన్ రెడ్డి నాశనం చేస్తున్నారని, ఏ వ్యవస్థను వదలటం లేదని అన్నారు. వ్యక్తులను టార్గెట్ చేయటానికి, వ్యవస్థలను నాశనం చేస్తున్నావ్ అని అన్నారు. కొత్త కంపెనీలు రాక పెట్టుబడులు లేవని, ఉన్న సినిమా రంగాన్ని కూడా ఎందుకు వేధిస్తున్నారు అంటూ ప్రశ్నించారు. మీ భారతీ సిమెంట్స్ లో ఎలా రేట్లు పెంచి అమ్ముతున్నారు, అక్కడ లేని నియంత్రణ సినిమాల విషయంలోనే ఎందుకు అంటూ చంద్రబాబు ప్రశ్నించారు. రాష్ట్రంలో అనేక సమస్యలు ఉంటే, అధికార యంత్రాంగాన్ని మీ కక్ష తీర్చుకోవటం కోసం ఉపయోగిస్తారా ? అని చంద్రబాబు ప్రశ్నించారు. చంద్రబాబు ట్వీట్ కు వైసీపీకి ఎంతలా కాలింది అంటే, వరుస పెట్టి మంత్రులు ప్రెస్ మీట్ పెట్టి, చంద్రబాబు పై విరుచుకు పడ్డారు. పేర్ని నాని అయితే, ఏమి చెప్పాలో తెలియక, జూనియర్ ఎన్టీఆర్ సినిమాకు ఎప్పుడైనా ఇలా ట్వీట్ చేసావా అంటూ, అసంబద్ధం అయిన వాదన ముందుకు తెచ్చి, చంద్రబాబుకు కౌంటర్ ఎలా ఇవ్వాలో తెలియక, ఇలాంటి వాదన ముందుకు పెట్టారు.