ఫేక్ ప్రచారం అనేది, ఆంధ్రప్రదేశ్ రాజకీయాల్లో మొదలు పెట్టింది వైసిపీ. గత ఎన్నికల్లో ప్రశాంత్ కిషోర్ ని తీసుకుని వచ్చి, ఉన్నది లేనట్టు, లేనిది ఉన్నట్టు చేసి, మాయ చేసి, ప్రజలను మభ్య పెట్టారు. మొత్తం ఫేక్ చేసి పెట్టారు. ముఖ్యంగా కులాల మధ్య కుంపట్లు పెట్టి, సక్సెస్ కూడా అయ్యారు. ఇలాంటి ఫేక్ ప్రచారాల్లో ఒకటి, చంద్రబాబు నాయుడు ముఖ్యమంత్రిగా ఉండగా, 35 మంది డీఎస్పీలుగా ప్రమోషన్ ఇచ్చింది, మొత్తం తన కులం వారినే అంటూ, జగన్ మోహన్ రెడ్డి స్వయంగా మాట్లాడుతూ ఫేక్ చేసారు. జగన్ మోహన్ రెడ్డి స్వయంగా ఈ మాటలు మాట్లాడారు. ఈ విషయం పైన నానా రచ్చ చేసారు. గవర్నర్ వద్దకు, రాష్ట్రపతి వద్దకు కూడా వెళ్లి, ఈ విషయం పైన ఫిర్యాదు చేసి, తమ అనుకూల బ్లూ మీడియా, పేటీయం బ్యాచ్ తో, రచ్చ రచ్చ చేసారు. అప్పట్లో తెలుగుదేశం ప్రభుత్వం, మొత్తం వివరాలు బయట పెట్టినా, వాళ్ళ ఫేక్ ప్రచారం ముందు, తెలుగుదేశం పార్టీ ఇచ్చిన వివరణ నిలువలేక పోయింది. ఇది ఇలా ఉంటే, ఈ ఫేక్ ప్రచారాలు అన్నిటికీ తెలుగుదేశం పార్టీ ఫూల్ స్టాప్ పెట్టాలని నిర్ణయం తీసుకుంది. ఈ రోజు అసెంబ్లీలో తెలుగుదేశం పార్టీ చాలా తెలివిగా వ్యవహరించి, వైసీపీ చేసిన ఫేక్ ప్రచారాన్ని, వాళ్ళతోనే ఫేక్ ప్రచారం అని అసెంబ్లీ రికార్డుల్లో ఎక్కేలా చేసి, సక్సెస్ అయ్యింది.
ఈ రోజు అసెంబ్లీలో తెలుగుదేశం పార్టీ, అనేక ప్రశ్నలు వేసింది. అయితే వైసీపీ తెలివిగా, కేవలం రెండు ప్రశ్నలకు మాత్రమే, సభలో సమాధానం ఇచ్చి, ప్రశ్నోత్తరాల సమయం మొత్తం, సాగదీసింది. మిగతా ప్రశ్నలను రాత పూర్వకంగా ఇచ్చి అవి వీడియో లేకుండా చూసుకుంది. అయితే లిఖిత పూర్వకంగా ఇచ్చిన దాంట్లో, టిడిపి అడిగిన ఈ ప్రశ్న కూడా ఉంది. గతంలో ఒకే సామాజికవర్గానికి పోస్టింగ్ లు వచ్చాయి అనే ప్రచారం ఉంది, అందులో వాస్తవం ఉందా, వివరాలు చెప్పండి అంటూ ప్రశ్న అడగగా, అందులో వాస్తవం లేదు, ఒక సామాజికవర్గానికి నాటి చంద్రబాబు ప్రభుత్వం ఇవ్వలేదు, ఎస్సీలు, ఎస్టీలు, బీసీలు కూడా అందులో ఉన్నారు అంటూ, వైసీపీ ప్రభుత్వం సమాధానం ఇచ్చింది. ఇదే విషయం టిడిపి సభలో నిలదీయటంతో, వైసీపీ అవాక్కయింది. వెంటనే గోల చేయటం, స్పీకర్ మైక్ కట్ చేయటం, టాపిక్ డైవెర్ట్ చేయటం వెంట వెంటనే జరిగిపోయాయి. ఎలా ఫేక్ చేస్తారు అనే దానికి ఇది ఒక ప్రత్యక్ష ఉదాహరణ. ఇలా ఫేక్ చేసింది, ఇప్పుడు సాక్ష్యాత్తు ముఖ్యమంత్రి సీటులో ఉన్న వ్యక్తే.