సిదిరి అప్పలరాజు... ప్రస్తుతం జగన్ మోహన్ రెడ్డి క్యాబినెట్ లో పశుసంవర్థకశాఖ మంత్రిగా ఉన్నారు. రాజకీయ నేపధ్యం లేని కుటుంబం నుంచి, మంత్రి వరకు ఎదిగిన అప్పలరాజు గురించి ఆసక్తికర విషయాలు వెలుగులోకి వచ్చాయి. అప్పలరాజు 2017 ఎన్నికల్లో వైసీపీ తీర్చం పుచ్చుకున్నారు. తరువాత జరిగిన 2019 ఎన్నికల్లో జగన్ మోహన్ రెడ్డి అవకాసం ఇవ్వటంతో, పలాస నుంచి ఎమ్మెల్యేగా పోటీ చేసారు. అ ఎన్నికల్లో టిడిపి అభ్యర్ధి గౌతు శిరీష పై విజయం సాధించారు. మత్స్యకార వర్గానికి చెందిన అప్పల రాజు, 2020లోనే జగన్ మంత్రి వర్గంలో చేరారు. అప్పట్లో మంత్రిగా ఉన్న మోపిదేవి వెంకటరమణ రాజ్యసభకు వెళ్ళటంతో, ఆయన స్థానంలో, అప్పలరాజుని క్యాబినెట్ లోకి తీసుకున్నారు. అయితే మొన్న జరిగిన మంత్రి వర్గ మార్పుల్లో, జగన్ మోహన్ రెడ్డి మరో అవకాసం ఇచ్చారు. సిదిరి అప్పలరాజు ఉన్నత విద్యావంతుడు. ఏపీఆర్జేసీలో స్టేట్ రెండో ర్యాంక్ తెచ్చుకున్నారు. ఇక ఎంసెట్ లో స్టేట్ 13వ ర్యాంక్ తెచ్చుకున్నారు. తరువాత ఎంబీబీఎస్ చదివారు. అక్కడ కూడా గోల్డ్ మెడల్స్ సాధించారు. ఇక అప్పలరాజు, పదవి తరిగితిలో రాష్ట్ర స్థాయిలో స్టేట్ 3వ ర్యాంక్ తెచ్చుకున్నారు. అప్పట్లో ఉమ్మడి ఆంధ్రప్రదేశ్ ముఖ్యమంత్రిగా చంద్రబాబు నాయుడు ఉండేవారు.
చంద్రబాబు చదువుకు ప్రధానత్య ఇస్తూ, మంచి మార్కులు వచ్చిన వారికి పురస్కారాలు ఇచ్చే వారు. అదే విధంగా, స్టేట్ 3వ ర్యాంక్ ఇచ్చిన అప్పల రాజుకి పురస్కారం అందించారు. 1995లో చంద్రబాబు నాయుడు, అప్పల రాజుకి అవార్డ్ అందచేసారు. ఇప్పుడు ఈ ఫోటో వైరల్ అవుతుంది. నాడు చంద్రబాబు దగ్గర అవార్డ్ అందుకున్న అప్పల రాజు, నేడు అదే చంద్రబాబుని తిడుతుంటే విడ్డూరంగా ఉన్నా, రాజకీయం అంటే ఇలాగే ఉంటుందని చెప్పాలి. అయితే చదువులో ఇంత మంచి ప్రొఫైల్ ఉన్న అప్పల రాజు, రాజకీయాల్లో మాత్రం ఫెయిల్ అయ్యారు. విద్యావంతుడిగా పేరు ఉండి, ఆయన చేస్తున్న పనులు మాత్రం విమర్శలకు తావు ఇస్తున్నాయి. మరీ ముఖ్యంగా మహిళ అని కూడా చూడకుండా, గౌతు శిరీషను సోషల్ మీడియాలో తిట్టించటంతో, ఆయనకు పశువుల మంత్రి అనే పేరు వచ్చి పడింది. ఇక ఈ మధ్య కాలంలో పోలీసులు పైన చేయి చేసుకోవటం, బూతులు తిట్టటం చూసాం. చదువు సంస్కారం నేర్పదు అనే పెద్దల మాటకు, ఇది ఉదాహరణగా చెప్పాలి. విద్యా పరంగా ఇంత మంచి ట్రాక్ రికార్డు ఉన్న అప్పలరాజు, సంస్కారంతో రాజకీయాలు చేస్తారని ఆశిద్దాం.