ఆంధ్రప్రదేశ్ రాష్ట్ర ప్రజలకు బాదుడే బాదుడుకి రంగం సిద్ధం అవుతుంది. ఇప్పటికే కరెంటు చార్జీలు, పెట్రోల్ డీజిల్ రేట్లు, గ్యాస్ ధరలు, ఇంటి పన్నులు, చెత్త పన్నులతో, ప్రజలకు షాక్ ఇచ్చిన జగన్ మోహన్ రెడ్డి ప్రభుత్వం, ఇప్పుడు మరో వీర బదుడుకి సిద్ధం అయ్యింది. రాష్ట్రంలో ఆర్టీసి బస్సు చార్జీలు పెంచేందుకు ప్రభుత్వం రెడీ అయ్యింది. ఈ రోజు దీనికి సంబంధించిన ప్రకటన రానుంది. డీజిల్ ధరలు భారిగా పెరగటంతో, చార్జీలు కూడా పెంచాలాని ఆర్టీసి నిర్ణయం తీసుకుంది. ఆర్టీసి చార్జీలు పెంచాలాని, ఇప్పటికే ఆ ఫైల్ ను ఆర్టీసి సిద్ధం చేసి, వారం రోజుల క్రితమే, ఆ ఫైల్ ను జగన్ మోహన్ రెడ్డి దగ్గరకు పంపించారు. అయితే దీనికి సంబంధించి, జగన్ మోహన్ రెడ్డి ఫైల్ పైన సంతకం చేసినట్టు తెలుస్తుంది. ఈ అంశానికి సంబంధించి, మధ్యాహ్నం 3 గంటలకు ఆర్టీసీ ఎండీ మీడియా సమావేశంలో ప్రకటన చేయనున్నారు. ఈ రోజు దీనికి సంబంధించి, అధికారిక సమాచారం రానుంది.