చంద్రబాబు.. చంద్రబాబు.. చంద్రబాబు... నిత్యం చంద్రబాబు పేరు జపం చేస్తూ ఉండే వైసీపీ బ్యాచ్, గత వారం పది రోజుల నుంచి, ట్యూన్ మార్చారు. ఇప్పుడు వాళ్ళ ట్యూన్, ఈనాడు, టీవీ, ఏబిఎన్. ఏకంగా అసెంబ్లీలో, ముఖ్యమంత్రి హోదాలో జగన్ మోహన్ రెడ్డి, మూడు చానల్స్ ని టార్గెట్ చేస్తూ, చంద్రబాబు కంటే, వాళ్ళే మా ప్రత్యర్ధులు అని చెప్పే స్థాయికి వెళ్లారు అంటే, జగన్ మోహన్ రెడ్డి ఆ మూడు చానెల్స్ ని చూసి, ఎలా భయపడుతున్నారో అర్ధం అవుతుంది. ఇందులో రామోజీ రావు, బీఆర్ నాయుడు సైలెంట్ గా వాళ్ళ పని వాళ్ళు చేసుకుంటూ వెళ్తారు. కానీ రాధాకృష్ణ మాత్రం, ప్రతి వారం వీకెండ్ కామెంట్ లో, తనదైన స్టైల్ లో , జగన్ మోహన్ రెడ్డికి సమాధానం ఇస్తూ, కౌంటర్ లు ఇస్తూ ఉంటారు. ఇప్పుడు రాధాకృష్ణ అలాంటి కౌంటరే జగన్ మోహన్ రెడ్డికి ఇచ్చారు. గతంలో రాధాకృష్ణ, జగన్ మోహన్ రెడ్డి చెల్లి షర్మిలకు, జగన్ మోహన్ రెడ్డికి పడటం లేదని, షర్మిల త్వరలో పార్టీ పెడుతున్నారని చెప్పి బాంబు పేల్చారు. అయితే అప్పట్లో వైసీపీ ఎదురు దా-డి చేసింది. అన్యాయంగా తమ పై రాధాకృష్ణ అబండాలు వేస్తూ, కుటుంబంలో గొడవలు పెడుతున్నారు అంటూ కౌంటర్ ఇచ్చినా, చివరకు షర్మిల పార్టీ పెట్టి, రాధాకృష్ణ రాసిన వార్త నిజం అని చెప్పేలాగా చేయటంతో వైసీపీ షాక్ తింది.
ఇప్పుడు రాధాకృష్ణ మరో సంచలన వార్తతో ముందుకు వచ్చారు. జగన్ మోహన్ రెడ్డి పార్టీకి వైఎస్ విజయమ్మ గౌరవ అధ్యక్షురాలిగా ఉన్న సంగతి తెలిసిందే. త్వరలోనే వైఎస్ విజయమ్మ, వైసీపీ పార్టీలోని గౌరవ అధ్యక్ష పదవికి రాజీనామా చేయనున్నారు అంటూ, రాధాకృష్ణ బాంబు పేల్చారు. అయితే ఈ విషయం జగన్ వద్ద చెప్పగా, ప్లీనరీ అయ్యేంత వరకు ఆగాలని చెప్పినట్టు, దీంతో విజయమ్మ ప్లీనరీ తరువాత రాజీనామా చేయనున్నట్టు రాధాకృష్ణ వీకెండ్ కామెంట్ లో చెప్పారు. దీంతో ఇది కూడా నిజం అవుతుందేమో అని వైసీపీలో గుబులు పుట్టుకుంది. ఎందుకుంటే ఇప్పటికే జగన్ వైఖరి, విపరీత మనస్తత్వం పై ప్రజల్లో చర్చ జరుగుతుంది. తన సొంత చెల్లి షర్మిలను రోడ్డున పడేసాడు,మరో చెల్లి సునీతకు న్యాయం చేయకుండా ఏడిపిస్తున్నాడు, ఇప్పుడు తల్లి కూడా వెళ్ళిపోతే, ఇక జగన్ మోహన్ రెడ్డి వైఖరి పై విపరీత ప్రచారం జరుగుతుంది. ఇది ఎట్టి పరిస్థితిలోనూ మంచిది కాదని, ఈ వార్త నిజం అవ్వ కూడదని వైసీపీ శ్రేణులు దండం పెట్టుకుంటున్నాయి.