ఆంధ్రప్రదేశ్ లో మహిళల పై జరుగుతున్న అఘాయత్యలకు నిరసనగా తెలుగుదేశం పార్టీ ఆందోళన చేసింది. ఇందులో భాగంగానే నిన్న 'జగన్ పాలనలో ఊరికో ఉన్మాది' పుస్తకాన్ని ఆవిష్కరించిన తెలుగుదేశం పార్టీ, ఈ రోజు మహిళా కమిషన్ కార్యాలయానికి వెళ్ళింది. ముందుగా పోలీసులు అనుమతి ఇవ్వకపోయినా, తరువాత అనుమతి ఇచ్చారు. ఈ బృందంలో తెలుగు మహిళా అధ్యక్షురాలు అనితతో పాటు, ఇతర నేతలు కూడా ఉన్నారు. అయితే మహిళా కమిషన్ చాంబర్ లో, వాసిరెడ్డి పద్మ, వంగలపూడి అనిత మధ్య మాటల యుద్ధం కొనసాగింది. 'జగన్ పాలనలో ఊరికో ఉన్మాది' పుస్తకాన్ని, వాసిరెడ్డి పద్మకు ఇచ్చిన అనిత, అందులో 800 సంఘటనలు ఉన్నాయని, వాళ్ళలో ఎంత మంది పై చర్యలు తీసుకున్నారని, ప్రశ్నించారు. ఎంత మందికి నోటీసులు ఇచ్చారని ప్రశ్నించిటంతో, వాసిరెడ్డి పద్మ షాక్ అయ్యారు. పుస్తకాన్ని పరిశీలన చేసి, సమాధానం ఇస్తాను అంటూ తప్పించుకుని వెళ్ళిపోయారు. అయితే ఈ రోజు చంద్రబాబు, బొండా ఉమాకు నోటీసులు ఇచ్చిన పద్మ విచారణకు రావాలని ఆదేశించింది. వారు ఈ రోజు రాకపోవటంతో, ఏమి జరుగుతుందో చూడాలి.