నిన్నటి వరకు జడ్జిలను, కోర్టులను తిట్టిన వైఎస్ఆర్ కాంగ్రెస్ పార్టీ, ఇప్పుడు ఆ పార్టీ అధినేత వరుస పెట్టి జడ్జిలను కలవటంతో చర్చ మొదలైంది. జస్టిస్ ఎన్వీ రమణని చీఫ్ జస్టిస్ అఫ్ ఇండియాని చేయొద్దు అంటూ, ఒక పెద్ద ఉద్యమమే నడిపిన జగన్ మోహన్ రెడ్డి, మొన్న ఆయన విజయవాడ పర్యటనలో, నోవోటెల్ హోటల్ కి వెళ్లి మర్యాదపూర్వకంగా కలవటం చర్చనీయంసం అయ్యింది. అంత పీకల మీద కోపం ఉన్న జగన, ఇలా ఎందుకు చేసారో ఎవరికీ అర్ధం కాలేదు. అయితే ఇప్పుడు ఒక పక్కన వరుస పెట్టి హైకోర్టులో ప్రభుత్వానికి ఎదురు దెబ్బలు తగులుతూనే ఉన్నాయి. అయితే ఇప్పుడు జగన్ మోహన్ రెడ్డి, ఈ రోజు స్టేట్ గెస్ట్ హౌస్ లో హై కోర్టు చీఫ్ జస్టిస్, ప్రశాంత్ కుమార్ మిశ్రను కలవటం ప్రాధాన్యత సంతరించుకుంది. ఈ రోజు సాయంత్రం జగన్, చీఫ్ జస్టిస్ ను కలవనున్నారు. ఈ భేటీ అజెండా ఏమిటో మాత్రం, ఎవరికీ తెలియదు. ప్రభుత్వం అధికారంగా ఈ భేటీ గురించి ఏమి చెప్తుందో చూడాలి మరి.