మంత్రి రోజా ఈ రోజు తిరుపతి ఎయిర్ పోర్ట్ లో దిగి, అక్కడ నుంచి పెద్దిరెడ్డిని కలిసి ఆశీసులు తీసుకుని, అక్కడ నుంచి పద్మావతి గెస్ట్ హౌస్ కి వెళ్లి అక్కడ బస చేసారు. ఆ తరువాత ఎస్వీ యూనివర్సిటీ స్టాఫ్ కు సంబంధించి సమీక్ష సమావేశంలో పాల్గునటానికి వస్తున్న క్రమంలో, తన దగ్గర ఉండాల్సిన ఫోన్ లేదని గుర్తించారు. వెంటనే సిబ్బంది పోలీసులకు సమాచారం అందించారు. ఫోన్ ఏమైంది అనే విషయంలో గందరగోళం నెలకొనటంతో, చివరకు పోలీసులకు చెప్పటంతో, పోలీసులు సెల్ ఫోన్ సిగ్నల్స్ ఆధారంగా , ఫోన్ ని ట్రేస్ అవుట్ చేసారు. ఒక వ్యక్తి దగ్గర ఫోన్ ని గుర్తించిన పోలీసులు, అతన్ని అదుపులోకి తీసుకుని, ఫోన్ ని స్వాధీనం చేసుకున్నారు. ఫోన్ చోరీకి గురైందా, లేదా రోజా ఎక్కడైనా పొరపాటున పెట్టి మర్చిపోయారా అనే విషయం పై క్లారిటీ లేదు. పోలీసులు ప్రస్తుతం విచారణ చేస్తున్నారు.
Advertisements