విద్యార్ధులకు సంబంధించిన సమస్య పైన, శుక్రవారం నాడు, తెలుగుదేశం పార్టీ విద్యార్ధి విభాగం అయిన, తెలుగునాడు స్టూడెంట్స్ ఫెడరేషన్, జగన్ మోహన్ రెడ్డి ఇంటి ముట్టడికి పిలుపు ఇచ్చారు. దీనికి సంబంధించి పోలీసులు ముందు జాగ్రత్తగా అందరినీ హౌస్ అరెస్ట్ చేసి, బద్రత పెంచి, చివరకు మంగళగిరి తెలుగుదేశం పార్టీ ఆఫీస్ నుంచి బయటకు కూడా ఎవరినీ రానివ్వకుండా, భారీ బందోబస్తు ఏర్పాట్లు చేసినప్పటికీ, కొంత మంది జగన్ నివాసానికి ఒక అర కి.మీ దూరం వెళ్ళగలిగారు. దీంతో తెలుగు తల్లి విగ్రహం వద్ద వారిని పోలీసులు అదుపులోకి తీసుకుని, అరెస్ట్ చూపించారు. దానికి సంబంధించి పలు ఐపీసి సెక్షన్ల కింద కేసు బుక్ చేసారు. దీనికి సంబంధించి ఈ రోజు అరెస్ట్ చేసిన వారిని జడ్జి ముందు ప్రవేశ పెట్టారు. ఈ సందర్భంగా పోలీసులు ఇచ్చిన రిమాండ్ రిపోర్ట్ చేసిన న్యాయమూర్తి అందులోని కంటెంట్ చేసి ఆశ్చర్యపోయారు. ఎందుకుంటే, ఆ రిమాండ్ రిపోర్ట్ లో, వారు అటెంప్ట్ రేప్ చేసినట్టు అభియోగాలు నమోదు చేసారు. పెట్టిన సెక్షన్ లు వేరేగా ఉండగా, అభియోగాలు మాత్రం, వేరేగా ఉండటంతో, న్యాయమూర్తి ఆగ్రహం వ్యక్తం చేసారు. ఇది అటెంప్ట్ రేప్ ఎలా అవుతుంది అంటూ, పోలీసులను నిలదీసారు. దీంతో పోలీసులు నాలుకు కరుసుకున్నారు.
పాత రిమాండ్ రిపోర్ట్ లు మర్చి, కొత్త రిపోర్ట్ తయారు చేసే క్రమంలో, ఇవి పొరపాటున తీసి ఉండకపోవచ్చని పోలీసులు భావిస్తున్నారు. వెంటనే ఆ అయుదు మందిని తాడేపల్లి పోలీస్ స్టేషన్ కు తీసుకుని వెళ్లారు. ఆ రిమాండ్ రిపోర్ట్ లో, పూర్తి స్థాయిలో మార్పులు చేసి, సెక్షన్ లు, అభియోగాలు నమోదు చేసి, వారి పై నాన్ బైలబుల్ కేసులు పెట్టి, మళ్ళీ న్యాయమూర్తి ఎదుట హాజరుపరిచేందుకు తీసుకుని వెళ్లారు. కాసేపట్లో న్యాయమూర్తి, దీనికి సంబంధించి ఏమి ఆదేశాలు ఇస్తారో చూడాల్సి ఉంటుంది. అయితే ఈ సందర్భంగా పోలీసులు డొల్లతనం మాత్రం బయట పడింది అనే చెప్పాలి. ముఖ్యమంత్రి ఇల్లు ముట్టడించిన కేసులో, అటెంప్ట్ రేప్ అని చెప్పటం పై, వీళ్ళ నిర్ల్యక్షం ఎలా ఉందొ అర్ధం అవుతుంది. సహజంగా న్యాయమూర్తులు రిమాండ్ రిపోర్ట్ మొత్తం చదివి, తడ్పుఅరి చర్యలు ప్రకటిస్తారు. దీంతో ఈ విషయం బయట పడింది. ఇంత ముఖ్యమైన కేసులో కూడా, ఇలా తప్పులు తడకగా రిమాండ్ రిపోర్ట్ ఇవ్వటంపై, అందరూ ఆశ్చర్యం వ్యక్తం చేస్తున్నారు. మరీ ముఖ్యంగా జగన్ ఇల్లు ముట్టడికి, అటెంప్ట్ రేప్ కేసు ఏమిటో, ఇంత పెద్ద తప్పు ఎలా చేసారో, ఏంటో. మీడియాలో కూడా ఈ కధనం రావటంతో, ప్రభుత్వం పెద్దల నుంచి, ఎలాంటి రియాక్షన్ వస్తుందో చూడాలి.