విశాఖ ఉక్కుపరిశ్రమ (రాష్ట్రీయఇస్పాత్ నిగమ్ లిమిటెడ్-ఆర్ఐఎన్ఎల్) ని కాపాడుకోవడానికి గతకొద్దిరోజులుగా రాష్ట్రప్రజలతో పాలు, కార్మికులు, ప్రజాసంఘాలు, విశాఖవాసులు వేలాదిగా రోడ్లమీదకు వచ్చి ఉద్యమంచేస్తున్నారని, టీడీపీ పూర్తిగా ఆఉద్యమానికి మద్ధతు తెలిపిందని, పల్లాశ్రీనివాస్ తనప్రాణాలకు తెగించి నిరాహారదీక్ష చేపట్టారని, టీడీపీఅధినేత నారా చంద్రబాబునాయుడు, నారా లోకేశ్ లు విశాఖ ఉద్యమానికి మద్ధతుతెలిపి, ప్రభుత్వ కపటనాటకాలను ప్రజలముందుంచారని టీడీపీ జాతీయఅధికారప్రతినిధి కొమ్మారెడ్డి పట్టాభిరామ్ తెలిపారు. శుక్రవారం ఆయన మంగళగిరి లోని పార్టీ జాతీయ కార్యాలయంలో విలేకరులతో మాట్లాడారు. ఆ వివరాలు ఆయన మాటల్లోనే క్లుప్తంగా మీకోసం...! "32 మంది ప్రాణత్యాగాలు, ఎందరో రైతులుస్వచ్ఛందంగా ఇచ్చిన భూములతో, ఒక ఉద్యమంతో ఏర్పడిన విశాఖ ఉక్కుపరిశ్రమను ప్రైవేటీకరిస్తే, చూస్తూఊరుకోబోమని మాజీముఖ్యమంత్రి చంద్రబాబునాయుడు హెచ్చరించారు. విశాఖస్టీల్ ప్లాంట్ విషయం లో జగన్ఆడుతున్న నాటకాలను ప్రజలంతా అర్థంచేసుకోవాలి. జగన్ ముఖ్యమంత్రి అయిన తొలినెల జూన్ -22 (2019) లోనే విశాఖ ఉక్కును ప్రైవేటీకరించాలన్న దుర్భుద్ధితో ఆయన పోస్కో కంపెనీవారితో చర్చించారు. ఆయనచర్చలకు సంబంధించిన ఆధారాలు కూడా ప్రజలంతా ఇప్పటికే చూడటం జరిగింది. ఆతరువాత అక్టోబర్ 2020లో కూడా తాడేపల్లినివాసంలో ముఖ్యమంత్రి పోస్కో కంపెనీవారితో చర్చలుజరిపాడు. జగన్మోహన్ రెడ్డి రౌడీయిజానికి, బెదిరింపులకు తామెవ్వరమూ భయపడం. ఒకరాష్ట్రానికి ముఖ్యమంత్రి అయ్యిఉండి ఏమీ తెలియనవాడిలా స్టీల్ ప్లాంట్ వ్యవహారంలో సిగ్గులేకుండా పచ్చిఅబద్ధాలు చెబుతున్నాడు. ఆయన ఎంతనటించినా, ఎప్పటికప్పుడు ఆధారాలతో సహా జగన్ నటనలను, నాటకాలను, బండారాన్ని బట్టబయలుచేస్తూనే ఉంటాము. ముఖ్యంగా తెలుగుదేశం పక్షాన నేనుఎప్పుడూ జగన్ రెడ్డి నిజస్వరూపాన్ని ప్రజలకు వెల్లడిస్తూనేఉంటాను. జగన్ లా జైలుజీవితం అనుభవించి, చిప్పకూడు తినడానికి తామెవరమూ సిద్ధంగా లేము. అసలు పోస్కో కంపెనీకి, విశాఖ స్టీల్ ప్లాంట్ కు సంబంధమే లేదన్నట్లుగా జగన్ నటిస్తున్నాడు. వైసీపీ ఎంపీ వేమిరెడ్డి ప్రభాకర్ రెడ్డి రాజ్యసభలో విశాఖ ఉక్కు ఫ్యాక్టరీకి సంబంధించి ఫిబ్రవరి 05, 2020న అడిగిన ప్రశ్నపై (ప్రశ్న నెంబర్-474) జగన్ఏం సమాధానం చెబుతాడు. వేమిరెడ్డి ప్రభాకర్ రెడ్డి అడిగిన ప్రశ్నపై ఆర్ ఐఎన్ఎల్ కి, పోస్కోకి మధ్య ఒప్పందం కుదిరిందని చాలాస్పష్టంగా కేంద్రఉక్కుశాఖామంత్రి ధర్మేంద్రప్రధాన్ రాజ్యసభలో సమాధానమిచ్చిన విషయం జగన్ కు తెలియదంటే నమ్మాలా? ధర్మేంద్రప్రధాన్ చెప్పిన సమాధానం గురించి ఏ2 విజయసాయి జగన్ తో చెప్పలేదా?
"ఈ వ్యవహారం బయటకు రాకుండా డ్రామాలాడి, అక్టోబర్ 2020లో పోస్కో వారిని రాచమర్యాదలతో తాడేపల్లి ప్యాలెస్ కు ఆహ్వానించిన జగన్ ఇప్పుడు ప్రజలమధ్యకొచ్చి నాకేమీ తెలియదంటూ నాటకాలాడుతున్నాడు. సంవత్సరం క్రితం ఫిబ్రవరి 2020లోనే పార్లమెంట్ సాక్షిగా పోస్కోకు, ఆర్ఐఎన్ఎల్ కు మధ్య జరిగిన ఒప్పందం గురించి తెలిసికూడా, దాన్ని తొక్కిపెట్టి, ప్రజలను మోసగించాలనిచూస్తారా? దీనినిబట్టే నటనలో జగన్ ఎంతటిప్రావీణ్యం సంపాదించాడో అర్థమవుతోంది. పోస్కోకు, ఆర్ ఐఎన్ఎల్ కుమధ్య జరిగిన ఒప్పందం వివరాలగురించి ఏమీతెలియనట్లునటిస్తూ విజయసాయిరెడ్డి సిగ్గులేకుండా పాదయాత్ర చేయాలని చూస్తున్నాడు. జగన్ రెడ్డికి అత్యంత సమీప బంధువైన వై.ఎస్. అవినాష్ రెడ్డి పార్లమెంట్ స్టాండింగ్ కమిటీ ఆన్ ఇండస్ట్రీస్ కమిటీ( ప్రభుత్వ పెట్టుబడుల ఉపసంహరణను పరిశీలించే కమిటీ) లో సభ్యుడిగాఉండి, ఆర్ ఐఎన్ఎల్, పోస్కో మధ్య జరిగిన ఒప్పందాన్ని ఎందుకు ప్రశ్నించలేదు? కేంద్రప్రభుత్వ అధీనంలోని పెట్టుబడుల ఉపసంహరణ కమిటీ మార్చి3, 2020న సెంట్రల్ పబ్లిక్ సెక్టార్ లోని డిజిన్వెస్ట్ మెంట్ వ్యవహారాలకు సంబంధించి నివేదిక సమర్పించే తరుణంలో ఫిబ్రవరి 05-2020న పార్లమెంట్ లో ధర్మేంద్రప్రదాన్ గారు, పోస్కో కంపెనీకి, ఆర్ ఐఎన్ఎల్ కి మధ్య జరిగినఒప్పందం వివరాలను తెలియచేసిన అంశాన్ని స్టాండింగ్ కమిటీ కమిటీలో సభ్యుడిగాఉన్న అవినాష్ రెడ్డి ఎందుకు ప్రశ్నించలేదు? అవినాష్ రెడ్డి విశాఖ ఉక్కుఫ్యాక్టరీ ప్రైవేటీకరణ తనకు తెలియదన్నట్లుగా నటించాడు. గతంలో ధర్మేంద్రప్రదాన్ ఇలా చెప్పారు, దాన్ని తాము వ్యతిరేకిస్తున్నామని అవినాష్ రెడ్డి ఎందుకు చెప్పలేకపోయాడు? 32మంది ప్రాణత్యాగాలతో ఏర్పడిన విశాఖ ఉక్కుపరిశ్రమ చేయిదాటి పోతోందని తెలిసికూడా, స్టాండింగ్ కమిటీ మెంబర్ గా ఉన్నవ్యక్తి సిగ్గులేకుండా ఎలా మౌనంగా ఉన్నాడు? వేమిరెడ్డి ప్రభాకర్ రెడ్డి ఉక్కుకమిటీలో సభ్యుడిగా ఉన్నాడు. ఆ ఇద్దరుఎంపీలు మిగతా వైసీపీ ఎంపీలతో కలిసి, విశాఖ ఉక్కుఫ్యాక్టరీని కాపాడాలని ఎందుకుప్రయత్నించలేదు? ఏనాడైనా రాష్ట్రానికి రావాల్సిన వాటిగురించి వైసీపీఎంపీలు ఒక్కసారైనా పార్లమెంట్ లో మాట్లాడారా? ఏదో ఒకరకంగా విశాఖ ఉక్కుఫ్యాక్టరీ ప్రైవేట్ పరమైతే, దానికిచెందిన 20వేలఎకరాలను కాజేయాలన్నదే వైసీపీప్రభుత్వ దురాలోచన. ఎవడబ్బసొమ్మని విశాఖఉక్కుఫ్యాక్టరీకి చెందిన 7వేల ఎకరాలను జగన్ అమ్ముతానంటాడు?"
"కొనడానికి వాడెవడో, అమ్మడానికి వీడెవడో చెప్పాలి. జగన్ రాష్ట్రప్రభుత్వాన్ని నడుపు తున్నాడా... లేక రియల్ ఎస్టేట్ సంస్థను నడుపుతున్నాడా? ఏపీ ప్రభుత్వమంటే రియల్ ఎస్టేట్ కంపెనీ అని జగన్ అనుకుంటున్నాడా? బిల్డ్ ఏపీ పేరుతో అమ్మే స్తాను, విశాఖ స్టీల్ ప్లాంట్ భూములు అమ్మేస్తాను అంటే చూస్తూకూర్చునేవాడెవడూ లేడు. జగన్ ముందే లెక్కలేసుకొని కూర్చునే విశాఖ ఉక్కుఫ్యాక్టరీ కి చెందిన 7వేలఎకరాలపై కన్నేశాడు. ముందుగానే లెక్కలువేయ కపోతే, ముఖ్యమంత్రి అకస్మాత్తుగా 7వేలఎకరాల అమ్మకం అంశాన్ని తెరపైకి ఎలాతెచ్చాడు? పోస్కో కంపెనీకి అలాంటి ఉద్దేశమే లేదని జగన్ చెబుతుంటే, విజయసాయి ఎందుకు పాదయాత్ర డ్రామాలాడుతున్నాడు? ఒకపక్క చేయాల్సిందిచేస్తూ, మరోపక్కన వైసీపీఎంపీలు, మంత్రులు పాదయాత్ర డ్రామాలాడుతూ, కార్మికులతో కలిసిదొంగదీక్షలు చేయడంచేస్తున్నారు. 2000 సంవత్సరంలో అప్పటికేంద్రప్రభుత్వం విశాఖ ఉక్కుపరిశ్రమను బీఏఎఫ్ఆర్ కు రిఫర్ చేసేప్రయత్నం చేస్తే, టీడీపీ ఎంపీలు కింజారపు ఎర్రన్నాయుడు, ఎంవీఎస్ మూర్తి 16-03-2000న లోక్ సభలో కేంద్రాన్ని నిలదీశారు. కాంగ్రెస్, సీపీఐ నేతలతో కలిసి టీడీపీఎంపీలు ఆనాడు కేంద్రప్రభుత్వ చర్యను ప్రతిఘటించి, విశాఖ స్టీల్ ప్లాంట్ ను కాపాడుకోవడానికి ప్రయత్నించారు. ఆనాడు పార్లమెంట్ లో జరిగిన చర్చలో నేదురుమల్లి జనార్థన్ రెడ్డి, సోమనాథ్ చటర్జీ కూడాపాల్గొన్నారు. ఇప్పుడున్న జగన్మోహన్ రెడ్డి, ఇతరపార్టీల ఎంపీలమద్ధతు కూడగట్టి, ఆనాడు టీడీపీ ఎంపీల్లా విశాఖఉక్కుని కాపాడటానికి ఎందుకు ప్రయత్నించడంలేదు? వైసీపీఎంపీలు, ముఖ్యమంత్రి ఏం గడ్డిపీకుతున్నారని నేను ప్రశ్నిస్తున్నాను. విశాఖ ఉక్కుఫ్యాక్టరీని కాపాడుకునేందుకు ప్రభుత్వం ఏం చేసినాసరే, టీడీపీ కలిసివస్తుందని చంద్రబాబుచెప్పినా, కేంద్రం ముందుకు వెళ్లడానికి జగన్ ఎందుకు భయపడుతున్నాడు? గతంలో కేజీబేసిన్ గ్యాస్ వ్యవహారానికి సంబంధించి కిరణ్ కుమార్ ప్రభుత్వంతో కలిసి టీడీపీ పోరాటానికి సిద్ధమైంది. అటువంటి ప్రయత్నాలను జగన్ ఎందుకు చేయలేకపోతున్నాడు? జగన్ ప్రభుత్వం రాష్ట్రఆస్తులను అమ్మడం తప్ప ఇప్పటివరకు చేసిందేమీలేదు. రాష్ట్ర ముఖ్యమంత్రిగా ఇప్పటికే రూ.2లక్షలకోట్లు అప్పుచేసిన జగన్, రంగులకు, బియ్యంసరఫరా వాహానాలకు అనిచెప్పి వేలకోట్లు దుబారా చేశాడు. ఎక్కడారాష్ట్రంలో ఒక రూపాయి పెట్టుబడి తీసుకొచ్చింది లేదు."
"నిజంగా జగన్ కు చిత్తశుద్ధిఉంటే, రాష్టప్రభుత్వం తరుపునే విశాఖ స్టీల్ ప్లాంట్ ను కొనడానికి ఎందుకు ప్రయత్నంచేయడం లేదు? అసలు ఆమాట జగన్ నోటివెంట ఎందుకు రావడం లేదు? దీన్ని బట్టే జగన్ కపటనాటకాన్నిఅర్థంచేసుకోవచ్చు. విశాఖ పట్నం వెళ్లిన ముఖ్యమంత్రి, స్టీల్ ప్లాంట్ కోసంధర్నాలు చేస్తున్న కార్మికులవద్దకు ఎందుకు వెళ్లలేదు? గతంలో సోనియాగాంధీకి నచ్చచెప్పి, ఓదార్పు యాత్రచేశానని, కష్టాల్లో ఉన్నప్రజల్లోకి వెళ్లేలా ఆమెను ఒప్పించానని గొప్పలు చెప్పుకున్న ముఖ్యమంత్రికి, విశాఖ ఉక్కు కార్మికులు వద్దకువెళ్లి వారితోమాట్లాడే ధైర్యం లేకపోయిందా? దొంగస్వామి దగ్గరకు వెళ్లడానికి ముఖ్యమంత్రికి సమయం ఉందికానీ, కార్మికుల వద్దకు వెళ్లడానికి లేదు. కార్మికులను విమానాశ్రయానికి పిలిపించుకొని మాట్లాడతాడా? కోడికత్తి డ్రామా మొదలైనప్పటినుంచీ ఎల్జీ పాలిమర్స్ దుర్ఘటన సహా, అనేకఅంశాలకు సంబంధించి విశాఖ విమానాశ్రయాన్ని ముఖ్యమంత్రి తనపంచాయితీలకు కేంద్రంగా మార్చు కున్నట్టున్నాడు. ఇప్పటికైనా ముఖ్యమంత్రి తన దొంగ పంచాయితీలు, దొంగనాటకాలు కట్టిపెట్టాలి. వైసీపీ ఎంపీలు చేసిన భాగవతం, వేమిరెడ్డి ప్రభాకర్ రెడ్డి ఆడిననాటకం, స్టాండింగ్ కమిటీ సభ్యుడిగాఉండి అవినాష్ రెడ్డి, మౌనంగా ఉండటం, అన్నీప్రజలు గమనిస్తున్నారు. జగన్ ఆడుతున్న నాటకాలను ప్రజలునమ్మేస్థితిలోలేరు. విశాఖఉక్కుపరిశ్రమ మొన్నటివరకు లాభాల్లోనే ఉంది. 2018-19లో కూడా దాదాపు రూ.100కోట్ల లాభం వచ్చింది. కరోనా ప్రభావం వల్ల, లాక్ డౌన్ కారణంగా నష్టాలొస్తే, దాన్ని అమ్మకానికి పెడతాడా ఈముఖ్యమంత్రి? రూ.2500 కోట్ల అభివృద్ధిపనులు స్టీల్ ప్లాంట్లో జరుగుతున్నాయి. వాటిగురించి జగన్ కు ఏమైనా తెలుసా? ఆపనులన్నీ పూర్తయితే పరిశ్రమ ఉత్పత్తి పెరిగి, బ్రహ్మండంగా తిరిగి లాభాల్లోకివస్తుంది. ఒక సొంత ఐరన్ ఓర్ గనిని విశాఖస్టీల్ ప్లాంట్ కు కేటాయిస్తే, సరిపోతుంది. ఓబుళాపురంలో దోచుకొని తినేబదులు, ఒక క్యాప్టివ్ ఐరన్ ఓర్ ని జగన్ కేటాయించలేడా? అది చేయకుండా 7వేలఎకరాలు అమ్మేస్తానంటూ, ఎంత సేపూ భూదాహం తీర్చుకునే పనిలోనే ఉంటున్నాడు ఈ పనికిమాలిన ముఖ్యమంత్రి. గతంలో కూడా లేపాక్షి నాలెడ్జ్ హబ్, వాన్ పిక్ పేరుతో వేలాది ఎకరాలు దిగమింగినఅనుభవం ఉందికదా? ఇప్పుడేమో రాజధాని పేరుతో రూ.2లక్షలకోట్ల విలువైన విశాఖ ఉక్కుభూములను కాజేయాలన్న దుర్మార్గపు ఆలోచనతోనే జగన్ విశాఖ ను రాజధానిగా ప్రకటించాడు. వేలఎకరాలుదింగమింగి, విశాఖ పరిశ్రమను ప్రైవేట్ పరంచేయాలన్న దురాలోచనతోనే జగన్, విజయసాయి ఇన్నాళ్లూ నాటకాలుఆడారు. కార్మికుల, జేఏసీనేతలు, జగన్మోహన్ రెడ్డిని, వైసీపీఎంపీలను, విజయసాయిరెడ్డిలాంటి పంది కొక్కును విశాఖఉక్కు పరిరక్షణ ఉద్యమం నుంచి తరిమికొట్టాలని కోరుతున్నా. జగన్ కేవలం తనఆస్తిపాస్తులు పెంచుకోవడానికే భూదందాలకు పాల్పడుతూ, ప్రభుత్వాన్ని రియల్ ఎస్టేట్ కంపెనీగా మార్చాడనే వాస్తవాన్ని ప్రజలంతా అర్థంచేసుకోవాలని విన్నవించుకుంటున్నాను."