చంద్రబాబు అనపర్తి పర్యటనను అడ్డుకునేందుకు యత్నించిన పోలీసులు రివర్స్ కేసులు బనాయించారు.చంద్రబాబు ఏ1, నల్లమిల్లి రామకృష్ణ రెడ్డి, జవహర్ ఏ3 గా కేసులు నమోదు చేసిన బిక్కవోలు పోలీసులు మరో వెయ్యి మంది కార్యకర్తలపై కేసులు పెట్టారు. ఏకంగా వెయ్యి మంది పై కేసులు పెట్టటంతో, ఒక్కసారిగా అందరూ అవాక్కయ్యారు. డీఎస్పీ భక్తవత్సలం ఫిర్యాదు మేరకు ఈ కేసులు నమోదు చేశారు. అనపర్తి, బిక్కవోలు పీఎస్ ల పరిధిలో 143, 353, 149 సెక్షన్ల కింద మొత్తం 3ఎఫ్ఫై ఆర్ లు పెట్టారు. అనపర్తి పోలీస్ స్టేషన్ పరిధిలో నల్లమిల్లి రామకృష్ణ రెడ్డి, జవహర్ సహా పలువురు తెలుగుదేశం నేతలపై 143, 353, 332, 149 సెక్షన్ల కింద రెండు కేసులు నమోదు చేశారు.అనపర్తి పోలీస్ స్టేషన్ పరిధిలో మరికొందరు తెలుగుదేశం శ్రేణులపై 188, 506, 34 సెక్షన్ల కింద మరో కేసు నమోదు అయింది.
Advertisements