టూరిజం శాఖా మంత్రిగా కంటే, డ్యాన్సులు శాఖా మంత్రిగానే రోజా రెడ్డి గారికి ఈ మధ్య పేరు వచ్చింది. తెలుగు రాష్ట్రాల ప్ర‌జ‌ల‌కి ఇప్ప‌టికీ జ‌బ‌ర్ద‌స్త్ షో జ‌డ్జిగానే రోజా రెడ్డి సుప‌రిచితురాలు. ఆమె నోటికొచ్చిన‌ట్టు మాట్లాడుతూ త‌ర‌చూ ప్ర‌భుత్వాన్ని, వైసీపీని ఇర‌కాటంలో ప‌డేస్తుంది. తాజాగా బ‌తికి వున్న త‌న‌యుడు జగన్, దివంగ‌తుడైన తండ్రి రాజ‌శేఖ‌ర్ రెడ్డిని ఒకే ఒక మాట‌తో ఇర‌కాటంలో ప‌డేసింది. కావాల‌ని అంటుందో, నోరు జారుతుందో కానీ..విప‌క్షానికి విసిరే పంచులు బూమ‌రాంగ్ అయి వైసీపీకే త‌గ‌ల‌డం రోజా స్పెష‌ల్. టిడిపి జాతీయ ప్ర‌ధాన కార్య‌ద‌ర్శి నారా లోకేష్ పాద‌యాత్ర గురించి మాట్లాడుతూ ``వ‌ళ్లు ఎక్కువైంది..త‌గ్గించుకోవ‌డానికి పాద‌యాత్ర ప‌నికొస్తుంది`` అంటూ నోటి తీట ప్ర‌ద‌ర్శించారు. పాద‌యాత్ర కాక‌పోతే పొర్లుదండాలు పెట్ట‌మ‌నండి అంటూ సెటైర్లు వేసింది. దీనిపై టిడిపి నుంచి గ‌ట్టిగానే కౌంట‌ర్లు ప‌డ్డాయి. నాడు వైఎస్ రాజ‌శేఖ‌ర్ రెడ్డి వ‌ళ్లు త‌గ్గ‌డానికే ప్ర‌జాప్ర‌స్థానం పేరుతో యాత్ర చేశాడా అంటూ ప్ర‌శ్నిస్తున్నారు. ప్ర‌జాసంక‌ల్పం పేరుతో జగన్ రెడ్డి చేప‌ట్టిన పాద‌యాత్ర వ‌ళ్లు లావై, త‌గ్గించుకోవ‌డానికే చేశారా రోజా రెడ్డి గారు అంటూ టిడిపి సోష‌ల్మీడియా వేదిక‌గా గ‌ట్టిగానే కౌంట‌ర్లు ఇస్తున్నారు. దీనిపై ట్రోల్స్‌, మీమ్స్ కూడా లెక్క‌లేన‌న్ని వదిలారు. దీంతో వైసీపీ నేత‌లు త‌మ అధినేత‌ని రోజా కావాల‌నే బుక్ చేస్తున్న‌ట్టు ఉంద‌ని వాపోతున్నారు.