టిడిపి జాతీయ ప్ర‌ధాన కార్య‌ద‌ర్శి నారా లోకేష్ చేప‌ట్ట‌బోయే పాద‌యాత్రకు అన్నివ‌ర్గాల నుంచీ మ‌ద్ద‌తు వెల్లువెత్తుతోంది. విప‌క్షాలు ఇప్ప‌టికే పాద‌యాత్ర స్వాగ‌తించాయి. తెలుగుదేశం పార్టీలో 175 నియోజ‌క‌వ‌ర్గాల ఇన్చార్జులు, అనుబంధ సంఘాలు లోకేష్ వెంట న‌డిచేందుకు మేము సైతం అంటూ ముందుకొచ్చాయి. సినీ రంగం నుంచి కూడా నారా లోకేష్‌కి బెస్టాఫ్ ల‌క్ చెబుతూ హీరోలు మ‌ద్ద‌తు ప్ర‌క‌టిస్తున్నారు. ఇటీవ‌ల బెంగ‌ళూరు వెళ్లిన నారా లోకేష్‌ని కేజీయ‌ఫ్ హీరో య‌ష్ క‌లిశారు. రాజ‌కీయంగా ఎద‌గాలని, పాద‌యాత్ర విజ‌య‌వంతం కావాల‌ని ఆకాంక్షించారు. నందమూరి న‌ట‌సింహం, గాడ్ ఆఫ్ మాసెస్ బాల‌కృష్ణ త‌న అల్లుడి పాద‌యాత్ర‌కి ముందు అన్ స్టాప‌బుల్ ఎపిసోడ్ తో ఘ‌న‌స్వాగ‌తం ప‌లికారు. హీరో నందమూరి తార‌క‌ర‌త్న ఇటీవ‌లే లోకేష్‌ని క‌లిసి పాద‌యాత్ర విజ‌య‌వంతం కావాల‌ని ఆకాంక్షించారు. హీరో నారా రోహిత్ అయితే యువ‌గ‌ళం పోస్ట‌ర్ ఆవిష్క‌రించారు. లోకేష్ పాద‌యాత్ర‌లో తానూ పాల్గొంటాన‌ని ప్ర‌క‌టించారు. అన్యాయానికి గురైన యువ‌త స్వ‌రాన్ని వినిపించే యువ‌గ‌ళం లోకేష్ ది అని కొనియాడారు.