అన్నివ‌ర్గాలు వ్య‌తిరేకం అవుతున్న క్లిష్ట ప‌రిస్థితుల్లో సీఎం వైఎస్ జగన్ మోహ‌న్ రెడ్డి ఐ ప్యాక్‌నే న‌మ్ముకున్నారు. వారిచ్చిన ప్లానునే అమ‌లు ప‌రుస్తున్నారు. తాజాగా గడప గడపకు మన ప్రభుత్వం పేరుతో ఇంటింటికీ తిరుగుతూనే 'మా నమ్మకం నువ్వే జగన్' అనే స్టిక్కర్లను అంటించారు. ఇళ్ల‌కే కాదు ల‌బ్ధిదారుల సెల్ ఫోన్ల‌కు మా నమ్మకం నువ్వే స్టిక్క‌ర్లు అంటించాల‌ని డిసైడ్ అయ్యారు. దీనిపై ప్ర‌తిపక్ష నేత చంద్రబాబు త‌న శైలికి భిన్నంగా స్పందించారు. జగన్ మోహ‌న్ రెడ్డి ముఖ్య‌మంత్రి అయ్యాక అన్ని వ్య‌వ‌స్థ‌లూ నాశ‌నం అయ్యాయ‌ని, అన్నివ‌ర్గాలూ న‌ష్ట‌పోయారని గోదావ‌రి జిల్లాల ప‌ర్య‌ట‌న‌లో ఎద్దేవ చేసిన టిడిపి అధినేత నారా చంద్రబాబు నాయుడు ఒక రేంజులో జగన్ ని ర్యాగింగ్ చేశారు. స్టిక్క‌ర్ సీఎం స్టిక్క‌ర్లు అంటిస్తాడ‌ట అంటూనే..జగన్ నువ్వే మా ద‌రిద్రం అంటూ సైటైర్ వేశారు చంద్రబాబు. ఇటీవ‌ల కాలంలో చంద్రబాబు ప్ర‌సంగాలు ప‌దునుగా, వ్యంగ్యంగా చేస్తున్నారు. జగన్ ప‌ని అయిపోయిందంటూనే...నువ్వే మా నమ్మకం అనే జగన్ ట్యాగ్ లైన్‌ని జ‌నానికి క‌నెక్ట‌య్యేలా జ‌గ‌నే మా ద‌రిద్రం అంటూ జ‌నం అనుకుంటున్నార‌ని చెప్పుకొచ్చారు.