ముఖ్యమంత్రి చంద్రబాబు నాయుడు అనుసంధాన స్వప్నం మరోసారి సాకారమయ్యింది. గోదావరి నది ఎడమగట్టు పై తూర్పు గోదావరి జిల్లా పురుషోత్తపట్నం వద్ద నిర్మించిన ఎత్తిపోతల పథకం ద్వారా ఎట్టకేలకు గోదావరి నదీ జలాలు ఏలేరుతో అనుసంధానమయ్యాయి. పురుషోత్తపట్నం ఎత్తిపోతల పధకం ద్వారా ఈ ప్రక్రియ సాకారమైంది. గోదావరి నది నీటిని ఎత్తి ఏలేరు రిజర్వాయర్ లో పోసే ప్రకరియ విజయవంతమయ్యింది. ఈ ఏడాది ఆగస్టు 15న పురుషోత్తపట్నం ఎత్తిపోతల పధకాన్ని రాష్ట్ర ముఖ్యమంత్రి చంద్రబాబునాయుడు జాతికి అంకితం చేశారు. సరిగ్గా వంద రోజుల ఆనంతరం పురుషోత్తపట్నం ఎత్తిపోతల పథకం స్టేజ్ -2 నుండి గోదావరి జలాలను ఏలేరు రిజర్వాయర్ కు పంపించడం పూర్తయ్యింది. ఇప్పటికే స్టేజ్-1 నుండి నీటిని తోడుతున్నప్పటికీ, ఏలేరుకు అనుసంధానం కాకుండానే నేరుగా ఆయకట్టుకు సరఫరా చేస్తున్నారు.
గోదావరి, ఏలేరు నదుల అనుసంధానం సత్ఫలితానికి ఈ చిత్రం నిదర్శనం. గతేడాది ఇదే సమయానికి జలాశయంలో చుక్క నీరు లేదు. పురుషోత్తపట్నం ఎత్తిపోతల పథకం నుంచి పైపులైను ద్వారా గోదావరి నీరు జలాశయంలోకి చేరుతోంది. దీని కింద నున్న 67 వేల ఎకరాలకు రబీ పంట కోసం 6 టీఎంసీల నీరు అవసరం. కాగా ప్రస్తుతం 14 టీఎంసీల నీరుంది. దీంతో రైతులు అమితానందాన్ని వ్యక్తం చేస్తున్నారు. అందుకే ముఖ్యమంత్రి చంద్రబాబుని విజనరీ నాయకుడు అనేది...
ఏలేరుకు నీటిని తీసుకువెళ్లేందుకు రెండు దశల్లో పంపుహౌస్‌ నిర్మాణం చేపట్టారు. గోదావరి వద్ద 10 పంపులు, 10 మోటార్లతో మొత్తం 3,500 క్యూసెక్కులు ఎత్తిపోసేలా తొలిదశ పంపుహౌస్‌ నిర్మాణం చేపట్టారు. రెండో దశలో 8 పంపులు, 8 మోటార్లతో 1,300 క్యూసెక్కులు నీటిని తీసుకువెళ్లేలా రెండో పంపుహౌస్‌ పనులు 2017 జనవరి నెలాఖరులో ప్రారంభమయ్యాయి. తొలి పంపుహౌస్‌ వద్ద 8 పంపులు, మూడు మోటార్లు బిగించారు. మూడు పంపుల ద్వారా మొత్తం 1,050 క్యూసెక్కుల నీటిని తరలిస్తున్నారు. అక్టోబరు 25న ఎడమ కాలువ నుంచి నేరుగా ఏలేరు ఆయకట్టకు నీటిని విడుదల చేశారు. ఆ తర్వాత పోలవరం ఎడమ కాలువ 50వ కిలోమీటరు వద్ద రెండో పంపుహౌస్‌ నుంచి గోదావరి నుంచి తొలి పంపుహౌస్‌ ఎత్తిపోతల ద్వారా వచ్చిన నీటిని ఎత్తిపోసి ఏలేరుకు పంపే ప్రక్రియ చేపట్టారు.