గాలి జనార్ధనరెడ్డి... జగన్ మోహన్ రెడ్డికి దేవుడు ఇచ్చిన అన్నయ్య... ఇద్దరూ కలిసి రాజశేఖర్ రెడ్డి ముఖ్యమంత్రిగా ఉండగా, రాష్ట్రాన్ని ఏ విధంగా దోపిడీ చేసి కొల్లగొట్టారో అందరికీ తెలిసిందే... ఇద్దరూ జైలు జీవితం అనుభవించి, ప్రస్తుతం బెయిల్ పై బయట తిరుగుతున్నారు... అయితే జగన్ మాత్రం ప్రతి రొజూ బయటే తిరుగుతున్నా, గాలి జనార్ధన్ రెడ్డి మాత్రం, 4 ఏళ్ళ నుంచి ఎప్పుడూ మీడియా ముందుకు వచ్చింది లేదు... మొన్న తన కూతురి పెళ్లి హంగామా అప్పుడు మీడియాలో వార్తలు గుప్పుమన్నా, తాను మాత్రం ఎప్పుడూ మీడియా ముందుకు రాలేదో... అయితే, మొన్న 2జీ స్కాం అనేది లేదు అని సిబిఐ కోర్ట్ ఇచ్చిన తీర్పు పుణ్యమో, లేక ఢిల్లీ నుంచి వచ్చిన అభయమో, లేక దేవుడు ఇచ్చిన తమ్ముడు కూడా తొందర్లోనే ఫ్రీ అవుతారు అనే నమ్మకమో, మొత్తానికి 4 ఏళ్ళ తరువాత మీడియా ముందుకు వచ్చారు.. అదీ తన మూడవ ప్రత్యర్ధి అయిన ABN రాధాక్రిష్ణ దగ్గరకు వచ్చారు...
అయితే గాలి జనార్ధన్ రెడ్డి మాట తీరు, వేషం పూర్తిగా మారిపోయాయి... ఒకప్పుడు చంద్రబాబు స్థాయి నాయకుడిని "కొజ్జా" అన్న నోటితో, చాలా సౌమ్యంగా పద్యాలు పాడుతున్నారు... ఏమి తెలియని అమాయకుడిగా కనిపిస్తున్నారు.. ఎప్పుడూ సూట్ లో కనిపించే మైనింగ్ డాన్, లుంగీ కట్టాడు... ఇక నుంచి ఇదే తన వేషం అంటున్నాడు... ఇవన్నీ చూస్తున్న ప్రజలకు, 1999లో ఉన్న రాజశేఖర్ రెడ్డి గుర్తుకువచ్చాడు... 1999కి ఎలక్షన్స్ ముందు దాకా రాజశేఖర్ రెడ్డి అంటే ఒక రౌడీ, ఒక ఫ్యాక్షనిస్ట్, మత కల్లోలాలు చేసే వ్యక్తిగా పేరు ఉండేది. 1999 ఓటమి తరువాత, పూర్తిగా ఇమేజ్ మెక్ ఓవర్ లోకి వచ్చాడు వైఎస్ఆర్... ప్రజలకి చాలా మంచి వాడులా, సౌమ్యుడిలా కనిపించే ప్రయత్నం చేసి, మొత్తానికి సక్సెస్ అయ్యి, ముఖ్యమంత్రి అయ్యారు... తరువాత జరిగిన రక్త చరిత్ర తెలిసిందే... దాదాపు 200 మందిని చంపించి, పరిటాల రవి, కపట్రాల్ల లాంటి వారిని అతి కిరాతకంగా చంపించి, తన అసలు నైజాన్ని బయట పెట్టారు.... ఇప్పుడు గాలి జనార్ధన్ రెడ్డి ఇంటర్వ్యూ చుసిన వారికి కూడా, అప్పటి రాజశేఖర్ రెడ్డి నైజం గుర్తుకువచ్చింది...
అంతే కాదు ఈ ఇంటర్వ్యూ ప్రోమోలో చాలా ప్రశ్నలు ఉన్నాయి... "భక్త రామదాసుకే 11ఏళ్లు జైలు తప్పలేదు.. నాది పెద్ద విషయం కాదు" అంటూ ఒక ప్రశ్నకు సమాధానం ఇచ్చారు... 2జీ స్పెక్ట్రమ్ కేసులో తీర్పును చూశాక ధైర్యం వచ్చిందనీ, తాను ఏ తప్పూ చేయలేదని హృదయంపై చేయి పెట్టుకుని చెప్పగలనని అంటున్నారు... రాజశేఖర్ రెడ్డి చనిపోవడం వల్లే ఈ కష్టాలు వచ్చాయని అనుకుంటున్నారా..?’ అన్న ప్రశ్నలకు కూడా గాలి జనార్ధనరెడ్డి సమాధానం ఇచ్చారు... ఈ పూర్తి ఇంటర్వ్యూ రేపు ఓపెన్ హార్ట్ లో రాత్రి 8.30 కి రానుంది...