ఆంధ్రప్రదేశ్ లో 80 శాతం వోట్ బ్యాంకు సంపాదించటానికి, అలాగే తెలుగుదేశం పార్టీకి ఒక నాలుగు సీట్లు భిక్ష పడేయటానికి, 2019 ఎన్నికల్లో సియం అభ్యర్ధి ఎవరో సోము వీర్రాజు నిర్ణయించటానికి, ఇంకా కుదిరితే, సోము వీర్రాజు ఆంధ్రప్రదేశ్ ముఖ్యమంత్రి అవ్వటానికి, ఉత్తర్ ప్రదేశ్ నుంచి బైకులు వచ్చాయి... ఆంధ్రప్రదేశ్ లో బీజేపీ ఎదగకపోవటానికి కారణమేమిటో సోము వీర్రాజుజు తెలిసిపోయింది.. అందుకే యూపీలో బ్రహ్మాండమైన ఘనవిజయానికి కారణమైన బైకులను బెజవాడ తెప్పించారు... ఇక ఈ బైకులు వేసుకుని, ఊరు ఊరు తిరిగి, 2019 ఎన్నికల్లో సియం అభ్యర్ధి ఎవరు అనేది నిర్ణయించనున్నారు సోము వీర్రాజు...
యూపీ నుంచి యూపీ రిజిస్ట్రేషన్‌తోనే బైకులు బెజవాడ వచ్చయి.. దాదాపు ఒక 100 బైకులు తెప్పించారు... బైకులు కూడా అక్కడ నుంచి తెప్పించాలా అని అడిగితే, వీటితో అక్కడ పని లేదు, అక్కడ ముఖ్యమంత్రి మా వాడే, ఇక్కడ మేము ముఖ్యమంత్రి అవ్వాలి కాబట్టి, ఈ బళ్ళు తెప్పించాం... ఈ బైకుల మీద తిరిగి, ఆంధ్రప్రదేశ్ మారు మూల ప్రాంతాలకు కూడా వెళ్లి, 2019 ఎన్నికల్లో సియం అభ్యర్ధి ఎవరు అనేది నిర్ణయిస్తారు సోము వీర్రాజు... అందుకే ఇవి యూపీ రిజిస్ట్రేషన్ బైకులు కాబట్టి, మళ్ళీ చంద్రబాబు టెక్నాలజీ ఉపయోగించి, అవి ఇక్కడ రిజిస్ట్రేషన్ కాదు అని ఎక్కడ లోపల వేస్తాడో అని, ముందుగానే బెజవాడలో రీ రిజిస్ట్రేషన్ చేపించారు...
ఇక టైం చూసుకుని ఒక కొబ్బరికాయ కొట్టి, సోము వీర్రాజు గారు వీటిని ప్రారంభించి, సరా సరి ఈ బైకులు వేసుకునే 2019లో అమరావతి అసెంబ్లీలో అడుగు పెట్టి, ముఖ్యమంత్రి ఎవరు అనేది నిర్ణయిస్తారు... ఎలాగు సోషల్ మీడియాలో పనీ పాట లేకుండా కొంత మంది దేశం కోసం పోరాడుతూ, గో సంరక్షణ చేస్తున్నారు... అలాంటి వీర దేశ భక్తులకు ఈ బైకులు అందచేసి, తన వీర ప్రతాపాన్ని చూపించబోతున్నారు, సోము వీర్రాజు... ఈ పరిణామాలు చూస్తున్న చంద్రబాబు, పవన్ కళ్యాణ్, జగన్, భయపడి పోయి, సోము వీర్రాజుని ప్రసన్నం చేసుకునే పనిలో ఉన్నారు.. ఎలాగు, 2019 ఎన్నికల్లో సియం అభ్యర్ధిని నిర్ణయించేది ఆయనే కదా, అందుకని...