మీరు సోషల్ మీడియాలో ఎక్కువగా ఆక్టివ్ గా ఉంటే, ఈయన మీకు ఎక్కడో ఒక చోట తగిలే ఉంటాడు... ఈయనే జ్యోతిష్కుడు వేణుస్వామి... ఒక బ్లాకు బోర్డ్ మీద రాస్తూ జాతకాలు లైవ్ లో చెప్పేస్తూ ఉంటారు... 2019లో జగన్ సియం అయిపోతారు అని ఎప్పుడూ గెట్టిగా చెప్తూ ఉంటారు... కెసిఆర్ కు రాజయోగం లేదు అని చెప్పారు... చిరంజీవి 150వ సినిమా ఫ్లోప్ అనిక్ చెప్పారు.. ఇంకా చాలా చెప్పారు అనుకోండి, అన్నీ రివర్స్ లో జరిగాయి... చంద్రబాబు ఆరోగ్యం పాడై పోతుంది అని, కూడా ఒకానొక సందర్భంలో కుసారు కూడా... పవన్ కళ్యాణ్ కు సియం అయ్యే అవకాసం లేదు అని కూడా చెప్పారు.. ఈయన ఉద్దేశం జగన్ తప్ప, ఎవరూ ముఖ్యమంత్రి అవ్వకూడదు అని... అయితే, ఇప్పుడు ఏకంగా ప్రధాన‌మంత్రితో దిగినట్లు ఓ ఫొటోను మార్ఫింగ్ చేసి దొరికిపోయాడు...
జ్యోతిష్కుడు వేణు స్వామి చేస్తోన్న పలు మోసాల‌ను, ప్ర‌జ‌ల‌ను మ‌భ్య‌పెడుతూ డ‌బ్బు సంపాదించుకుంటోన్న తీరును ప్ర‌ముఖ హేతువాది బాబు గోగినేని ఓ టీవీ న్యూస్ చ‌ర్చా కార్య‌క్ర‌మంలో బ‌య‌ట‌పెట్టారు. వేణు స్వామి దేశంలో ఏ ప్ర‌ముఖుడిని వ‌ద‌ల‌డం లేద‌ని, సినీన‌టులు, రాజ‌కీయనాయ‌కుల‌ను గురించి ఎన్నో వ్యాఖ్య‌లు చేస్తుంటార‌ని బాబు గోగినేని చెప్పారు. ఓ రాజ‌కీయ నాయకుడు చ‌నిపోతాడ‌ని, ఒక‌రికి ఆరోగ్యం బాగుండ‌ద‌ని, ఒక‌రు లేచిపోయి పెళ్లి చేసుకుంటార‌ని ఎన్నో వ్యాఖ్య‌లు చేస్తార‌ని అన్నారు. చివ‌రికి తెలుగు బిగ్‌బాస్ షోను కూడా వ‌ద‌ల‌లేద‌ని, శివ‌బాలాజీ గెల‌వ‌బోడ‌ని, న‌వ‌దీప్ గెలుస్తాడ‌ని చెప్పాడని అన్నాడు. అది నిజం కాలేద‌ని చెప్పారు.
బాబు గోగినేని పలు ఆధారాల‌ను చూపుతూ ప్ర‌శ్న‌లు అడుగుతుండ‌డంతో, ఆయన ధాటికి తట్టుకోలేక జ్యోతిష్కుడు వేణు స్వామి మాట్లాడుతూ... "న‌న్ను న‌మ్మండి.. న‌మ్మ‌కండి. ఈ చ‌ర్చ‌లో బాబు గోగినేని చెప్పిన విష‌యాల‌ను మాత్ర‌మే న‌మ్మండి.. నాకు జ్యోతిష్యం రాదు... నేను చెప్పేవి అన్నీ అబద్ధాలు... బాబు గోగినేని వాదనే కరెక్ట్... ఆయన చెప్పిందే న‌మ్మండి. నేను చెప్పేది ఏవీ నిజాలు కావు.." అంటూ విచిత్రంగా మాట్లాడి దండం పెట్టేసి వెళ్లి పోయారు.