నాలుగేళ్ళు చంద్రబాబుని ఆహా ఓహో అంటూ ఆకాశానికి ఎత్తిన పవన్ కళ్యాణ్, ఎప్పుడైతే చంద్రబాబు ఎన్డీయే నుంచి బయటకు వచ్చి, మోడీ పై దాడి మొదలు పెట్టారో, అప్పటి నుంచి చంద్రబాబుని విమర్శలు చేస్తూ, మోడీ పై పోరాటంలో, చంద్రబాబుని బలహీన పరిచే ప్రయత్నం చేస్తున్నారు. అయితే, పవన్ కళ్యాణ్ నాలుగు నెలల నుంచి ఎన్ని విమర్శలు చేసినా, ఎంతగా రెచ్చగొట్టినా చంద్రబ్బు మాత్రం, చూసి చూడనట్టు వదిలేసారు. పవన్ కళ్యాణ్ విమర్శలకు అనవసర ప్రాధాన్యత ఇవ్వటం ఇష్టం లేకో, లేక పవన్ పై ఎంతో కొంత ఉన్న గౌరవంతోనో కాని, చంద్రబాబు, పవన్ పై ఎప్పుడూ ఘాటు విమర్శలు చెయ్యలేదు. అయితే, రోజు రోజుకీ పవన్ కళ్యాణ్ దిగజారిపోతున్నారు. ఎప్పుడు చంద్రబాబు, కేంద్రం పై భారీ పోరాటం చేస్తున్నా, అది నీరుగార్చేలా పవన్ ముందుకు వస్తున్నారు.
ధర్మపోరాటం అంటూ తన పుట్టిన రోజు నాడు, చంద్రబాబు దీక్ష చేస్తే, శ్రీరెడ్డి ఇష్యూ తీసుకువచ్చి, శ్రీరెడ్డిని చంద్రబాబు పంపించారు అంటూ, ఆ రోజు ట్వీట్లు వేస్తూ డైవర్ట్ చేసే ప్రయత్నం చేసారు. ఇలా అప్పటి నుంచి, చంద్రబాబు, మోడీ పై ఏ పోరాటం చేసినా, మోడీ పై చంద్రబాబు చేస్తున్న విమర్శలు హైలైట్ అవ్వకుండా, ఎదో ఒక ఇష్యూ తీసుకువచ్చి డైవర్ట్ చెయ్యటం, పని అయిపోయిన తరువాత హైదరాబాద్ వెళ్ళిపోవటం, ఇదే పవన్ పని. అయితే, నిన్న అవిశ్వాసం లాంటి కీలక సమయంలో కూడా, పవన్ ఇదే స్ట్రాటజీతో వచ్చారు. గల్లా స్పీచ్ చండాలంగా ఉంది అంటూ ట్వీట్ లు చేసారు. అయితే, ఈ సారి మాత్రం చంద్రబాబు చూస్తూ కూర్చోలేదు. మోడీ పై ఇంతలా పోరాటం చేస్తుంటే, దేశం అంతా అండగా ఉంటే, పవన్ ఈ పోరాటాన్ని బలహీనపరిచే ప్రయత్నం చెయ్యటంతో, ఇక జగన్ కి, పవన్ కి తేడా లేదని, పవన్ ను కూడా టార్గెట్ చేసారు.
మొదటి సారి, పవన్ పై ట్వీట్ రూపంలో కూడా, పవన్ కు గడ్డి పెట్టారు. ఇక పవన్ ను ఉపేక్షించేది లేదని, రాష్ట్రం కంటే ఏది ముఖ్యం కాదని చంద్రబాబు అన్నారు. చంద్రబాబు చేసిన ట్వీట్స్ ఇవే... "అవిశ్వాస తీర్మానం గురించి మాట్లాడిన వైఎస్‌ఆర్‌సీపీ నాయకులు ఇప్పుడు ఎక్కడున్నారు? తీర్మానం పెడితే దేశమంతా ఏకం చేస్తాం అన్న వ్యక్తి ఇప్పుడు ఎక్కడికి వెళ్లాడు? తెలుగు దేశం పార్టీ అవిశ్వాస తీర్మానం పెట్టి మొత్తం దేశాన్ని, పార్లమెంటుని కదిలిస్తున్న రోజు జగన్, పవన్ ఎక్కడున్నారు? జగన్ కోర్టులో...పవన్ ట్వీట్లలో.... My State and its best interests are everything to me. Those who are with me in this fight are my friends and rest are my foes."