వైఏస్ఆర్ కాంగ్రెస్ పార్టీ నాటకాలు ప్రజలు చూస్తున్నారు... బీజేపీ వీళ్ళ ట్రాప్ లో పడి, రాంగ్ పాత్ లో వెళ్ళకూడదు... వైఏస్ఆర్ కాంగ్రెస్ పార్టీ ఆంధ్రప్రదేశ్ ప్రజల్ని మరోసారి పిచ్చోల్లని చేస్తుంది.. బడ్జెట్ అద్భుతం అని పొగిడారు, అద్భుతం అని ప్రచారం చేసారు... ఇప్పుడు బడ్జెట్ బాగోలేదు అని, కేంద్రం తప్పు ఏమి లేదు అని, అంతా రాష్ట్ర ప్రభుత్వం తప్పు అని అంటున్నారు అని గల్లా అన్నారు... ఆంధ్రప్రదేశ్ ప్రజలు పిచ్చోళ్ళు కాదు, మీ ద్వంద్వ వైఖరి గమనిస్తున్నారు... ఆంధ్రప్రదేశ్ ప్రజలకు వీరి బుద్ధి తెలుసు... ఎవరు కేంద్రంలో పవర్ లో ఉంటే, వారితో స్నేహానికి ముందు ఉంటారు... ఎందుకంటే, వీరి నాయకుడు అవినీతి పరుడు, అందుకే జైలు నుంచి బయట ఉండాలి అంటే, వీరికి కేంద్ర ప్రభుత్వంతో సఖ్యత ఉండాలి... ఇవాళ మీరు(బీజేపీ)...
ఇలాంటి వారితో స్నేహం చేస్తూ, అపాయింట్మెంట్ ఇస్తూ, దేశానికి ఎలాంటి మెసేజ్ ఇస్తున్నారు... ఒక దొంగ, అవినీతిపరుడు, దేశంలోనే నెంబర్ వన్ కరప్షన్ చేసిన వాడికి, మీరు సపోర్ట్ ఇస్తారా ? ఆంధ్రప్రదేశ్ లో, వైఏస్ఆర్ కాంగ్రెస్ పార్టీ, మీకు మంచి మిత్రుడు అని అనుకుంటున్నారా ? ఇది మీ మొరాలిటీకి దెబ్బ... మీకే మచ్చ... కొంత మందిని, అన్ని సార్లు మోసం చెయ్యవచ్చు... అందరినీ కొన్ని సార్లు మోసం చెయ్యవచ్చు... కాని, అందరినీ అన్ని సార్లు మోసం చెయ్యలేరు అంటూ, వైఏస్ఆర్ కాంగ్రెస్ పార్టీతో స్నేహం చేస్తున్న బీజేపీని గల్లా ఉతికి ఆరేసారు...
అలాగే ఎంపీ గల్లా జయదేవ్ మాట్లాడుతూ.. సీఎం చంద్రబాబు 40 సార్లు కేంద్రంలోని పెద్దలను కలిసినా విభజన చట్టంలోని హామీలను అమలు చేయలేదన్నారు. మిత్ర పక్షంగా ఉన్న తమకే ఇలా చేస్తే ఎలా అని ప్రశ్నించారు. కర్ణాటకలో ఎన్నికలు ఉన్నాయనే కారణంగానే బెంగళూరు మెట్రోకు నిధులు కేటాయించిన కేంద్రం పెద్దలు ఏపీకి ఎలా న్యాయం చేస్తారని గల్లా జయదేవ్ నిలదీశారు. బీజేపీ కూడా కాంగ్రెస్‌లాగే స్వప్రయోజనాల కోసం ప్రయత్నిస్తే.. ఏపీ ప్రజలేం అమాయకులు కాదని జయదేవ్ హెచ్చరించారు. ‘‘మీరిచ్చిన నిధులకంటే బాహుబలి కలెక్షన్లే ఎక్కువగా ఉన్నాయని ప్రజలు జోక్‌లు వేసుకుంటున్నారు’’ ఎంపీ వ్యాఖ్యానించడంతో సభలో నవ్వులు విరిశాయి..