ఆంధ్రప్రదేశ్ రాష్ట్రంలో పనిచేస్తున్న అవుట్ సోర్సింగ్ ఉద్యోగులకు చంద్రబాబు సర్కారు తీపి కబురు అందించింది. ప్రభుత్వంలోని వివిధ శాఖల్లో పనిచేస్తున్న రెండు కేటగిరీ ఉద్యోగుల వేతనాలను ఏకంగా 50 శాతం పెంచుతూ ఆర్థిక శాఖ శుక్రవారం ఉత్తర్వులు జారీ చేసింది. ఎన్నాళ్లగానో వేచిచూస్తున్న ప్రభుత్వ నిర్ణయంతో ఉద్యోగులు సంబరాలు చేసుకుంటున్నారు. రాష్ట్రంలో 60 వేల మంది కాంట్రాక్టు ఉద్యోగులు ఉన్నారని, వారిలో అంగనవాడీ, హోంగార్డులు కూడా ఉన్నారు.
ప్రభుత్వంలోని వివిధ శాఖల్లో పనిచేస్తున్న రెండు కేటగిరీ ఉద్యోగుల వేతనాలను ఏకంగా 50 శాతం పెంచుతూ ఆర్థిక శాఖ ఉత్తర్వులు జారీ చేసింది. దీంతో ఉద్యోగులు సంబరాలు చేసుకుంటున్నారు. కాగా.. 2016లో ప్రభుత్వం వేతనాలను పెంచుతూ జీవో జారీ చేసింది. అయితే పెంపు వల్ల కొందరికే ప్రయోజనమంటూ జరిగిందని.. అందుకే రెండు కేటగిరీల ఉద్యోగులకు జీతాలను పెంచాలని మంత్రి వర్గ ఉప సంఘం నిర్ణయించింది. ఈ క్రమంలో ఆర్థిక శాఖ ఆమోదంతో అవుట్ సోర్సింగ్ వేతనాలను పెంచారు.
కాంట్రాక్టు, అవుట్ సోర్సింగ్ ఉద్యోగులపై ఏర్పాటైన మంత్రివర్గ ఉపసంఘం సమావేశమైంది. కమిటీ అధ్యక్షుడు, ఆర్థిక మంత్రి యనమల రామకృష్ణుడు, ఇతర మంత్రులు పాల్గొన్నారు. ఇక పై అవుట్ సోర్సింగ్ నియామకాలు ఇప్పుడు రూపొందించే మార్గదర్శకాల ప్రాతిపదికనే చేపట్టాల్సి ఉంటుందని స్పష్టం చేసింది. దీనివల్ల అవుట్‌సోర్సింగ్‌ ఉద్యోగుల కనీస వేతనం పెరగడంతో పాటు థర్డ్‌ పార్టీ ఏజెన్సీల కమీషన శాతం తగ్గుతుంది.