అనంతపురం జిల్లా పెనుకొండ మండలం అమ్మవారిపల్లె గ్రామం! జాతీయ రహదారి 44 పక్కన పొలాలు, చిన్నపాటి గుట్టలతో కూడిన సుమారు 600 ఎకరాల స్థలం! ఇప్పుడు... ఆ స్థలం రూపు రేఖలు శరవేగంగా మారిపోతున్నాయి... రాష్ట్ర పారిశ్రామిక ప్రగతిలో అక్కడే కీలక అడుగు పడనుంది.. కరువుతో అల్లాడుతున్న అనంతపురం జిల్లాలో, ఆటోమొబైల్‌ దిగ్గజ సంస్థ ‘కియ’ మోటార్స్‌ కార్ల తయారీ ప్లాంటు భూమి పూజ ఫిబ్రవరి 22న జరగనుంది... రాష్ట్ర ముఖ్యమంత్రి చంద్రబాబు నాయుడు, కియా ఉన్నత స్థాయి ప్రతినిధులు హారుకానున్నారు... ఇప్పటికే ఐదు దశలుగా చేపడుతున్న భూమి చదును పనులు చివరకు వచ్చాయి...
నాలుగు దశల్లో ఉన్న పనులు అయిపోగా, మరో దశ పనులు మిగిలి ఉన్నాయి.. అవి కూడా ఒక వారం, పది రోజుల్లో పూర్తి కానున్నాయి... చదును చేసిన దాదాపు 600 ఎకరాలు, కియా పరిశ్రమకు అప్పగించనుంది రాష్ట్ర ప్రభుత్వం... ఇప్పటికే కేటాయించిన 582.70 ఎకరాల్లో కియా ప్రధాన పరిశ్రమలో పెయింట్స్ షాపు, బాడీ బిల్లర్ వర్క్ షాప్, ఇంజిన్ ఫుట్ వర్క్స్ షాపు , ఇందనం నిలువ చేయడానికి కూల్ ఫుట్ షాప్, పవర్ ట్రైన్ షాప్, మోడల్ షాప్, అసెంబుల్డ్ షాపు, ఇంటర్నల్ రోడ్స్ పనులు చురుగ్గా సాగుతున్నాయి... విద్యుత్‌ కోసం 220కేవీ సబ్‌స్టేషన్‌ నిర్మాణం చేసారు, గొల్లపల్లి నుంచి పరిశ్రమ దాకా ప్రత్యేక పైపులైన్‌ పనులు ఏర్పాటు చేస్తున్నారు...
2019 ద్వితీయార్థం నుంచి భారతీయ మార్కెట్లో కార్ల అమ్మకాలను ప్రారంభిస్తున్నామని ఆ సంస్థ పేర్కొంది. అనంతపురం జిల్లా పెనుకొండ మండలం ఎర్రమంచి గ్రామంలో దాదాపు 600 ఎకరాల విస్తీర్ణంలో రూ.13వేల కోట్ల పెట్టుబడితో కియా సంస్థ కార్ల తయారీ యూనిట్‌ను నెలకొల్పుతున్న సంగతి తెలిసిందే. ఎర్రమంచి ప్లాంటులో 4 వేల మందికి శాశ్వతంగా.. 7వేల మందికి తాత్కాలికంగా ఉపాధి కల్పిస్తారు. 2019 సెప్టెంబరుకల్లా ఉత్పత్తిని ప్రారంభించడం లక్ష్యంగా పెట్టుకున్నారు. ఏడాదికి మూడు లక్షల కార్ల ఉత్పత్తి సామర్థ్యంతో దీనిని నిర్మిస్తున్నారు. అంటే... రోజుకు దాదాపు 820 కార్లు! అంటే... గంటకు సుమారు 30 కార్లు బయటికి వస్తాయి. వీటిని ఇక్కడి నుంచి దేశ విదేశాలకు ఎగుమతి చేస్తారు.