గత కొంత రోజులుగా, అమిత్ షా, మోడీ తమ సహజ శైలికి భిన్నంగా వ్యవహరించటం చూస్తున్నాం.. ఎంతో అహంకారంగా ఉండే మోడీ - అమిత్ షా, ఏనాడు మిత్రపక్షాలని గౌరవించే వారు కాదు. చంద్రబాబు లాంటి మిత్రపక్షాన్ని వదులుకున్నారు అంటేనే, వాళ్ళ పరిస్థితి అర్ధం అవుతుంది. ఎంతో ఓర్పుగా ఉన్న చంద్రబాబుకే, వీరి స్వభావంతో విసిగిపోయి బయటకు వచ్చారు. అలాంటి అమిత్ షా, ఎప్పుడు లేని విధంగా, స్వయంగా మిత్రపక్షాల దగ్గరకు వెళ్లి మరీ కలుస్తున్నారు. శివసేన ఛీ కొడుతున్నా, వెళ్లి మరీ వారిని కలిసారు. అంతే కాదు మాకు ఎవరూ అవసరం లేదు అనే స్థాయి నుంచి, కొత్త మిత్రుల కోసం కూడా వెంపర్లాడుతున్నారు. ఈ మార్పు చూసి అందరూ ఆశ్చర్యపోయారు. కాని దీని వెనుక చాలా పెద్ద స్టొరీ ఉందని, దైనిక్ భాస్కర్ అనే ప్రముఖ హిందీ పత్రిక సంచలన కధనం ప్రచురించింది.
దైనిక్ భాస్కర్ అనే ప్రముఖ హిందీ పత్రిక కధనం ప్రకారం, బీజేపీ ఈ మధ్య ఒక అంతర్గత సర్వే చేపించింది. ఆ సర్వేలో షాక్ అయ్యే రిజల్ట్స్ వచ్చయి. నాలుగేళ్ల తర్వాత దేశంలో మారుతున్న రాజకీయ సమీకరణాలతో తమ ప్రభుత్వానికి ప్రమాద ఘంటికలు మోగుతున్నాయని బీజేపీ అగ్రనాయకత్వానికి తెలిసొచ్చింది. ఆ పార్టీ చేయించుకున్న అంతర్గత సర్వేలో గత ఎన్నికల్లో గెలిచిన 282 లోక్ సభ సీట్లలో 152 స్థానాల్లో పరిస్థితి బాగోలేదని తేలింది. అంటే ఆ పార్టీకి నికరంగా 132 సీట్లు మాత్రమే వస్తాయి. ఉత్తరాదిలో ఆ పార్టీ తీవ్ర వ్యతిరేకతను ఎదుర్కుంటోందని తేలింది. బీజేపీ విజయానికి బాటలు వేసిన ఉత్తరప్రదేశ్‌లో గత ఎన్నికల్లో బీజేపీ 71 పార్లమెంట్ సీట్లను గెలుచుకుంది. కానీ ఈసారి మాత్రం అక్కడ 48 సీట్లు కోతపడబోతున్నాయని సర్వేలో తేలింది.
సర్వేను ఉటంకిస్తూ ప్రముఖ హిందీ దినపత్రిక దైనిక్ భాస్కర్ కథనాన్ని ప్రచురించింది. సర్వే ఫలితాలు చూసి ప్రధాని మోదీ, అమిత్‌షా కంగుతిన్నారు. దీంతో నష్టనివారణ కోసం ఆరెస్సెస్‌తో అమిత్‌షా మంత్రాంగం జరుపుతున్నారు. విభిన్న వ్యూహాల అమలుకు ప్రయత్నం చేస్తున్నారు. అందులో భాగంగానే దక్షిణాదిపై ప్రత్యేక దృష్టి పెట్టినట్లుగా సమాచారం. ఈ సర్వే ప్రకారం, రాజస్తాన్ లో గత ఎన్నికల్లో బీజేపీ 25 పార్లమెంట్ సీట్లను గెలుచుకుంది. కానీ ఈసారి మాత్రం అక్కడ 13 సీట్లు కోతపడబోతున్నాయని సర్వేలో తేలింది. మధ్య ప్రదేశ్ లో గత ఎన్నికల్లో బీజేపీ 26 పార్లమెంట్ సీట్లను గెలుచుకుంది. కానీ ఈసారి మాత్రం అక్కడ 16 సీట్లు కోతపడబోతున్నాయని సర్వేలో తేలింది. మహారాష్ట్రలో గత ఎన్నికల్లో బీజేపీ 23 పార్లమెంట్ సీట్లను గెలుచుకుంది. కానీ ఈసారి మాత్రం అక్కడ 17 సీట్లు కోతపడబోతున్నాయని సర్వేలో తేలింది. https://www.bhaskar.com/union-territory/chandigarh/news/latest-chandigarh-news-030503-1917611.html