వైఎస్ జగన్ మార్కు కుట్ర‌ల‌కు ఈ సారి తుఫాన్ బాధితులు ఇబ్బందులు ఎదుర్కొంటున్నారు. తుఫాన్ బాధితులకు తక్షణ సహాయం అందించేందుకు సీఎం చంద్ర‌బాబు, మంత్రులు రాత్రింబ‌వ‌ళ్లు కృషి చేస్తుంటే... కనీసం బాధితులను ప‌ల‌క‌రించ‌డాహ‌నికి కూడా రాని జగన్...స‌రికొత్త కుట్ర‌ల‌కు తెర‌లేపారు. తునిలో కాపుల ఉద్య‌మం మాటున రైళ్లు త‌గ‌ల‌బెట్టించిన ఘ‌న‌మైన చ‌రిత్ర జ‌గ‌న్‌ది. తండ్రి శవం ప‌క్క‌న‌బెట్టుకుని సీఎం కావాల‌నే దుర్బుద్ధితో సంత‌కాలు సేక‌రించుకున్న తనయుడు, ఆయన స్థాపించిన పార్టీ వైసీపీ ఆలోచ‌న‌లు ఇలాగే ఉంటాయి. తిత్లీ తుఫాన్ బాధితులు తాగునీటికి ఇబ్బంది పడుతున్నారని తెలుసుకున్న హెరిటేజ్ సంస్థ స్వచ్ఛందంగా కొన్ని గ్రామాలకు తాగునీరు సరఫరా చేసేందుకు ముందుకొచ్చింది.
అయితే హెరిటేజ్ ప్రధాన వ్యాపారం పాలు, పాలుపదార్థాలు కావడంతో..అవి ప్యాక్ చేసే కవర్లు రెడీగా ఉన్నాయి. ఉద్దానం, సముద్రతీర ప్రాంతాలకు అత్యవసరం కావడంతో...ప్యాకింగ్ కోసం సిద్ధంగా ఉన్న కవర్లలో సురక్షిత నీటిని ప్యాక్ చేసి సరఫరా చేస్తున్నారు. ఆ ప్యాకెట్ పై సైక్లోన్ బాధితులకు నీటి సరఫరా అని కూడా రాసారు. బాధితులకు సత్వరం సాయం అందించాలనే లక్ష్యంతో హెరిటేజ్ సంస్థ చేసిన మంచిపనిని ప్రశంసించి, ప్రోత్సహించాల్సింది పోయి..పాలప్యాకెట్లలో నీళ్లు సరఫరా చేస్తున్నారని కుట్రపూరిత కథనాలను రెడీ చేసి.. తన విషపుత్రిక సాక్షి ఉద్యోగులు, సిబ్బంది ద్వారా సోషల్ మీడియాలో ప్రచారం చేస్తున్న జగన్ మనస్తత్వం ఏంటో తేటతెల్లమైంది. ఒక కష్టం వచ్చినప్పుడు అండగా ఉండేది ఎవరో, రాజకీయాలు కుట్రలు చేసేది ఎవరో తిత్లీ తుఫాన్ తేల్చేసింది. ఏడు పదుల వయస్సు దగ్గరలో ముఖ్యమంత్రి చంద్రబాబునాయుడు, యువ మంత్రి లోకేష్, మంత్రులంతా జిల్లాలోనే మకాం వేసి మరీ తుఫాన్తో అస్తవ్యస్తమైన ఒక్కో వ్యవస్థను గాడిలో పెడుతున్నారు. నేరుగా బాధితుల ఇళ్లకు, తిత్లీ ధాటికి ధ్వంసమైన, నష్టపోయిన ప్రాంతాలకు చేరుకుని తక్షణ అవసరం ఏంటో? బాధితులు ఏం కోరుకుంటున్నారో తెలుసుకుని మరీ సాయం అందిస్తున్నారు.
కష్టసమయంలో సహాయకచర్యలకు ప్రభుత్వంతో కలిసి రావాల్సింది పోయి..తనదైన పులివెందుల మార్కు కుట్రలతో సర్కారును బద్నాం చేయాలనుకుని...ఏం చేయలేక..హెరిటేజ్ సంస్థపై ఏడుపు ప్రారంభించారు. దాహంతో ఎండిపోతున్న తుఫాన్ బాధితుల గొంతులను స్వచ్ఛందంగా, మానవతా ధ్రుక్పథంతో తడపటం తప్పా? జగన్ అని హెరిటేజ్ ప్రతినిధులు ప్రశ్నిస్తున్నారు. స్వచ్చమైన రక్షిత నీరు అందుబాటులో ఉన్న పాలప్యాకెట్లలో అవసరమైన వారికి, ఆపన్నులకు అందించడం తప్పా అని నిలదీస్తున్నారు. వైఎస్ జగన్ తాను సాయం చేయడు..తన పార్టీ నేతలను తుఫాన్ బాధితులను కనీసం పలకరించేందుకు కూడా పంపడు. సాయం అందిస్తున్న ప్రభుత్వం, సహాయకచర్యలు పర్యవేక్షిస్తున్న సీం, మంత్రులు..స్వచ్ఛందంగా సాయం అందిస్తున్న హెరిటేజ్ వంటి సంస్థలపైనా యిలాంటి కుట్రపూరిత కథనాలు ప్రచారం చేయడంపై తుఫాన్ బాధితులు మండిపడుతున్నారు. కొండంత కష్టంలో ఉన్న తమకు సాయం అందిస్తున్న హెరిటేజ్ పై యిలాంటి ఆరోపణలు, అవాస్త ప్రచారాలు చేసి..తమకు సాయం అందకుండా జగన్ చేస్తున్నారని భాదితులు ఆరోపిస్తున్నారు.