ఒకప్పుడు గన్నవరం ఎయిర్‌పోర్టు చూసినప్పుడు, రేకుల షెడ్డులో ఒక పల్లెటూరు బస్టాండు మాదిరిగా ఉండేది. వర్తక, వాణిజ్యానికి, సాంస్కృతికానికి, విద్య, వైద్యానికి రాజధానిగా ఉండే విజయవాడలో ఇలాంటి ఎయిర్‌పోర్టు ఉండటం ప్రజల అందరినీ బాధించేది. రాష్ట్ర విభజన జరగటం, అమరావతి రాజధాని అవ్వటంతో, గన్నవరం ఎయిర్‌పోర్టు దశ మారిపోయింది. ఇప్పుడు గన్నవరం ఎయిర్‌పోర్టు చూస్తుంటే, దేశంలో ఉన్న టాప్ ఎయిర్‌పోర్టు లకి ఏ మాత్రం తీసిపోని విధంగా తయారు అయ్యింది.
మీరు వింటుంది నిజమే...కలకాదు.. విజయవాడ విమానాశ్రయం నవ్యాంధ్రప్రదేశ్‌కే సెంటరాఫ్‌ అట్రాక్షన్‌గా నిలిచింది. అంతర్జాతీయ స్థాయి ప్రమాణాలను అందు కోవటంలో తొలి అడుగు పడింది. అత్యాధునిక హంగులతో గన్నవరం ఎయిర్ పోర్టు నూతన టెర్మినల్‌ బిల్డింగ్‌ సిద్ధమైంది. ఇప్పుడు, విజయవాడ ఎయిర్‌పోర్టు రాష్ట్రానికే ఐకానిక్‌ సింబల్‌.
చరిత్రలోకి వెళ్తే, గన్నవరం విమానాశ్రయం బ్రిటీష్ కాలంలో ఏర్పాటైంది. 1940లో ఇక్కడ నుంచి యుద్ధ విమానాలు నడిచేవి. 1962-89 మధ్య ఇండియన్ ఎయిర్ లైన్స్ విమానాలను నడిపింది. ప్రయాణీకుల ఆదరణ తగ్గడం, కారణంగా 1989-2002 వరకూ ఎలాంటి సర్వీసులు నడపలేదు. 2002లో డెక్కన్ సంస్థ హైదరాబాద్ కు విమాన సర్వీసును పునర్ద్ధించింది. 2002-2003 లో కేవలం 359 మంది గన్నవరం ఎయిర్పోర్ట్ నుంచి, రాకపోకలు చేసారు. ఇప్పుడు సంగతి చుస్తే, 2016 ఏప్రిల్ నుంచి నవంబర్ దాక, దాదాపుగా 4.50 లక్షల మంది గన్నవరం ఎయిర్పోర్ట్ నుంచి, రాకపోకలు చేసారు.
అమరావతిలో రాజధాని ఏర్పాటు తరువాత అంతర్జాతీయ ప్రమాణాలతో ఒక్కసారిగా దేశం లోనే విజయవాడ ఎయిర్‌పోర్టు స్థాయి పెరిగి పోయింది. జీ ప్లస్‌ 1 విధానంలో అత్యాదునిక డిజైన్‌తో రూపొందించిన ఈ నూతన టెర్మినల్‌ తో దేశంలోనే సమున్నత స్థానంలో నిలిచింది. వృద్ధిరేటులో దేశంలోనే అగ్రస్థానం లో ఉన్న ఈ ఎయిర్‌పోర్టు తాజాగా నూతన టెర్మినల్‌ బిల్డింగ్‌తో దేశంలోనే అత్యున్నత ప్రమాణాలతో కూడిన ఎయిర్‌పోర్టుగా భాసిల్లనుంది.
నూతన టెర్మినల్‌ రాకతో.. అంతర్జాతీయ సర్వీసులు నడిచేందుకు మార్గం సుగమమైనట్టే... దీనికంటే అధునాతనమైనది, ఏటా 50లక్షల మంది ప్రయాణికులు రాకపోకలు సాగించే సామర్థ్యం ఉండేలా మరో శాశ్వత టెర్మినల్‌ను గన్నవరంలో నిర్మించనున్నట్టు ఏఏఐ అధికారులు తెలిపారు. దానిని వచ్చే రెండేళ్లలోనే నిర్మించాలంటూ ముఖ్యమంత్రి చంద్రబాబు విజ్ఞప్తి చేశారు. అంటే మరో రెండేళ్లలో భవిష్యత్తుకు తిరుగులేని విధంగా విమానాశ్రయం రూపుదిద్దుకోనుంది. ప్రస్తుతం నిర్మించిన టెర్మినల్‌ భవనాన్ని కార్గోకు వినియోగించనున్నారు.
ఇక మిగిలింది రన్‌వే విస్తరణ...అంతర్జాతీయ స్థాయి హోదాను అందుకునేలా.. విజయవాడ ఎయిర్‌పోర్టు రన్‌వే విస్తరణ పనులకు రంగం సిద్ధమైంది.