రాష్ట్రంలో సరి కొత్త వ్యవస్థ అయిన గ్రామ వాలంటీర్ల వ్యవస్థకు, జగన మోహన్ రెడ్డి ప్రభుత్వం అంకురార్పణ చేసిన విషయం తెలిసిందే. ఆగష్టు 15 నుంచి ఈ వ్యవస్థను అధికారికంగా ప్రారంభించారు. గ్రామాల్లో ప్రతి 50 ఇళ్ళకు ఒక గ్రామ వాలంటీర్ను పెడుతున్నాం అని జగన్ ప్రభుత్వం చెప్పింది. అందుకు తగ్గట్టుగానే, ప్రస్తుతానికి 2 లక్షల మంది వరకు నియమాకాలు అయ్యాయి. అయితే ఇంకా దాదపుగా 10 వేల మంది, ఈ ఉద్యోగానికి రాలేదు. వీరికి 5 వేల రూపాయల జీతం ఇస్తున్నారు. ఇందులో మళ్ళీ ఖర్చులకు అని చెప్పి, 500 వెనక్కు తీసుకున్నారు. అయితే ఈ గ్రామ వాలంటీర్లు మొత్తం వైసీపీ వారే ఉంటున్నారని, ప్రత్యర్ధి పార్టీలు ఆరోపిస్తున్నాయి. విజయసాయి రెడ్డి దీనికి సంబంధించి, అంతరంగిక సమావేశంలో మాటలు కూడా బయటకు వచ్చిన సంగతి తెలిసిందే. అయితే ఇప్పటి వరకు ఈ గ్రామ వాలంటీర్లు ఏమి చేసారో కాని, ఇప్పుడు మాత్రం, జగన్ ప్రభుత్వం వారికి కొత్త టాస్క్ ఇచ్చింది.
ఆగష్టు 27వ తారీఖున, మైనారిటీ డిపార్టుమెంటు నుంచి , అన్ని జిల్లాల కలెక్టర్లకు ఒక లేఖతో కూడిన ఆదేశాలు వెళ్ళాయి. అన్ని జిల్లా కలెక్టర్లను ఆ ఆదేశాలు పాటించమని ఆ లేఖలో ఉన్నాయి. ఆ ఆదేశాల ప్రకారం, "ప్రభుత్వం, ప్రతి ఊరిలో ఉన్న పాస్టర్లకు, నెలకు 5 వేల రూపాయల గౌరవ వేతనం ఇవ్వటానికి రెడీ అయ్యింది. ఇది జగన్ ప్రభుత్వం మేనిఫెస్టోలో పెట్టిన అంశం. దీని ప్రకారం, ప్రతి పాస్టర్ కు 5 వేల రూపాయల గౌరవ వేతానం ఇవ్వటానికి ప్రభుత్వం రెడీ అయ్యింది. అయితే, దీనికి సంబంధించి రాష్ట్రంలో ఎంత మంది పాస్టర్లు ఉన్నారు అనే విషయం పై ప్రభుత్వానికి సమాచారం లేదు. అందుకే అన్ని జిల్లాల కలెక్టర్లు, డిస్ట్రిక్ట్ మజిస్త్రేట్ లు, మీ పరిధిలో ఉన్న గ్రామాలు, పట్టణాల్లో, ఎంత మంది పాస్టర్లు ఉన్నారో సర్వే చెయ్యాలి."
"ఈ సర్వే కోసం, కొత్తగా నియామకం అయిన గ్రామ వాలంటీర్ల సహయం తీసుకోండి. గ్రామ వాలంటీర్ల సహాయంతో, ఆ గ్రామాల్లో ఎంత మంది పాస్టర్లు ఉన్నారో, సర్వే చేసి, 15 రోజుల లోగా ప్రభుత్వానికి తెలియపరచాలి. ఇది చాలా తొందరగా చెయ్యాల్సిన పని" అంటూ ఆ లేఖలో పేర్కున్నారు. అయితే ఈ విషయం తెలిసిన బీజేపీ నేతలు, ప్రభుత్వం పై మండిపడుతున్నారు. గౌరవ వేతనం, అన్ని గ్రామాల్లో ఉన్న గుళ్ళలో ఉన్న బ్రాహ్మణలకు కూడా ఇవ్వాలని, ఇలా ఒక మతానికే పరిమితం చెయ్యటం దారుణమని అన్నారు. అంతే కాకుండా, గ్రామా వాలంటీర్లను ఈ పనులకు ఉపయోగించటం పై కూడా వారు తప్పుబడుతున్నారు. ఇంత అత్యవసరంగా ఈ వివరాలు కావాలని ప్రభుత్వం, ఎందుకు కోరుతుంది అంటూ బీజేపీ నేతలు నిలదీస్తున్నారు. ఒక్క మతానికే అధిక ప్రాధాన్యత ఇవ్వటం మంచిది కాదని అంటున్నారు.