రాష్ట్రంలో కొత్తగా అధికారంలోకి వచ్చిన వైసీపీ ప్రభుత్వం, ఒక కొత్త పధ్ధతిని తీసుకోవచ్చింది. అదే రివర్స్ టెండరింగ్. అయితే ఈ రివర్స్ టెండరింగ్ తో లాభామా, నష్టమా అంటే, ఎవరి వాదన వారికి ఉంది. ఈ విషయంలో ప్రజలే నిర్ణయం తీసుకుంటారు. అయితే, ప్రతిపక్ష తెలుగుదేశం పార్టీ మాత్రం, ఈ రివర్స్ టెండరింగ్ ను, జగన్ పాలనకు ఆపాదిస్తూ, రివర్స్ పాలన అంటూ, తుగ్లక్ పాలన అంటూ, ఎద్దేవా చేస్తున్నారు. ప్రభుత్వం చేసే పనులు కూడా కొన్ని అలాగే ఉండటంతో, ప్రజలు కూడా ఆ విమర్శలకు కనెక్ట్ అవుతున్నారు. తాజాగా మరో సంఘటన ఇలాగే జరిగింది. అయితే ఇది ప్రభుత్వంలో జరిగిన సంఘటన కాదు, అధికార వైసిపీ పార్టీ నాయకులు చేసిన ఘటన. మూడు రోజుల క్రితం చంద్రబాబు నాయుడు, సోషల్ మీడియాలో వైసీపీ సానుభూతి పరులు, విజయసాయి రెడ్డి లాంటి వారు, ఎలాంటి పోస్టింగ్ లు పెడుతున్నారో, చూపించారు.
బూతులు తిడుతూ, అసభ్యకర భాష వాడుతూ, పెడుతున్న పోస్టింగ్ లు చూపిస్తూ, ఇలాంటి వారిని అరెస్ట్ చెయ్యకుండా, ప్రభుత్వ విధానాలను ప్రశ్నిస్తున్నారు, తెలుగుదేశం పార్టీ కార్యకర్తలను మాత్రమే టార్గెట్ చేసి, అరెస్ట్ చెయ్యటం పై ఆగ్రహం వ్యక్తం చేసారు. అయితే, ఇది ప్రజల్లోకి బాగా వెళ్ళింది. చంద్రబాబు అన్ని వివరాలు చెప్పటం, ప్రెజంటేషన్ చూపించటంతో, వాస్తవాలు ప్రజలకు వెళ్ళాయి. దీంతో, వైసిపీ కూడా కౌంటర్ స్ట్రాటజీతో ముందుకు వచ్చింది. సోషల్ మీడియాలో, చంద్రబాబు, లోకేష్, బాలకృష్ణ దగ్గర ఉండి, తమ పార్టీ నాయకుల పై అసభ్యంగా పోస్ట్ లు పెట్టిస్తున్నారని, నిన్న జోగి రమేష్, డీజీపీని కలిసి ఫిర్యాదు చేసారు. వారి పై చర్యలు తీసుకోవాలని, పోలీసులను కోరారు. వెంటనే వారిని ఆరెస్ట్ చెయ్యాలని కోరారు.
హైదరాబాద్ లో ఉన్న బాలకృష్ణ ఆఫీస్ నుంచి, 2 వేల మండి పని చేస్తూ, ఇలా చేస్తున్నారని కంప్లైంట్ ఇచ్చారు. అయితే, బాలకృష్ణ ఇలాంటి పనులు చేపిస్తున్నారంటే ఎవరూ నమ్మరు. అదీ కాకా, వైసీపీ రివర్స్ స్ట్రాటజీ ఇక్కడ కనిపిస్తుంది. గతంలో, షర్మిల పై, అసభ్యకరంగా పోస్ట్ లు పెడుతున్నారని, ఆంధ్రప్రదేశ్ లో ఉన్న వారి పై, హైదరాబాద్ లో కంప్లైంట్ ఇచ్చింది వైసిపీ. అయితే, ఇప్పుడు హైదరాబాద్ లో, బాలకృష్ణ ఆఫీస్ లో, అసభ్యకరంగా పోస్ట్ లు పెడుతున్నారని, అమరావతిలో కంప్లైంట్ ఇచ్చారు. నిజానికి ఈ కంప్లైంట్ ఇవ్వాల్సింది హైదరాబాద్ లో. అక్కడ అయితే పోలీసులు నిజాన్ని నిగ్గు తేలుస్తారని, ఇది కేవలం రాజకీయ పరంగా ఇచ్చిన డమ్మీ కంప్లైంట్ కాబట్టి, ఇక్కడ కంప్లైంట్ ఇచ్చి, వార్తల్లో ఒక వార్త వేసారనుకోవాలి. ఇలా ఉంటాయి, వైసీపీ చేసే రివర్స్ పనులు, అని టిడిపి అంటుంది.