వైకాపా సీనియర్‌ నేత, రాజ్యసభ సభ్యుడు విజయసాయిరెడ్డి తాజాగా టివి9 రవిప్రకాష్‌నుద్దేశించి చేసిన వ్యాఖ్యలపై అభ్యంతరాలు వ్యక్తం అవుతున్నాయి. రాజ్యసభ సభ్యుడిగా హుందాగా వ్యాఖ్యానించాల్సిన విజయసాయిరెడ్డి కులపరమైన వ్యాఖ్యలు చేస్తూ విమర్శల పాలవుతున్నారు. 'టివి9' నుంచి 'రవిప్రకాష్‌'ను తొలగించిన వైనంపై ఆయన స్పందిస్తూ...'మెరుగైన సమాజాన్ని అడ్డుకున్న ద్రోహి 'రవిప్రకాష్‌' బండారం బయటపడింది.ఈయన బాధితులు ఒక్కొక్కరు బయటకు వస్తున్నారు. 'కమ్మ'ని నీతులకు కాలం చెల్లింది. 'చంద్రబాబు' ప్రయోగించిన తుప్పుపట్టిన మిసైళ్లల్లో 'రవిప్రకాష్‌' ఒకరు అంటూ..ట్విట్‌ చేశారు.దీనిపై..రాజకీయ, సామాజికవర్గాలు విమర్శలు చేస్తున్నాయి.
ఒక కులంలోని వ్యక్తి తప్పు చేస్తే..ఆ తప్పును ఒక కులానికి మొత్తానికి ఎలా ఆపాదిస్తారని ప్రశ్నిస్తున్నారు. అవినీతి కేసుల్లో జైలుకు వెళ్లిన 'విజయసాయిరెడ్డి' 'జగన్మోహన్‌రెడ్డి'ల గురించి..అదే విధంగా కులపరంగా వ్యాఖ్యానిస్తే..సంస్కారంగా ఉంటుందా..? వీరిద్దరు చేసిన అవినీతిని వారి సామాజికవర్గానికి అంటగడితే..వాళ్లు ఒప్పుకుంటారా..? అని ప్రశ్నిస్తున్నారు. మొదటి నుంచి 'విజయసాయిరెడ్డి' ఇదే విధంగా వ్యవహరిస్తున్నారని, గతంలో 'పవన్‌కళ్యాణ్‌'ను ఉద్దేశిస్తూ..'ఉల్లిపాయ' అంటూ వ్యాఖ్యానించి..కులాన్ని ఆపాదించారని, ఇప్పుడు 'రవిప్రకాష్‌' విషయంలోనూ ఇదే విధంగా వ్యవహరిస్తూ..ఆయా కులాలను కించపరుస్తున్నారు.
ఆయన ఇటువంటి తప్పుడు విధానాలు మానుకోకపోతే బుద్ది చెప్పాల్సిన పరిస్థితి ఉంటుందని, ఆయా సామాజికవర్గాలకు చెందిన ప్రతినిధులు హెచ్చరిస్తున్నారు.మరి ఇప్పటికైనా..ఆయన తన వైఖరిని మార్చుకుంటారా..? లేక మరింత దూకుడుగా 'కుల' వ్యాఖ్యలు చేస్తారా..వేచి చూడాల్సిందే... ఇది ఇలా ఉంటే, అదే సామాజిక వర్గం వారు వైసీపీ లో కూడా ఉన్నారు. కాని వారు విజయసాయి రెడ్డి వ్యాఖ్యల పై నోరు మెదపలేదు. కమ్మ సామాజికవర్గం అంటే, కేవలం చంద్రబాబు మాత్రమే అని అనుకుంటున్నారో ఏమో కాని, వీళ్ళు మాత్రం నోరు ఎత్తలేదు. ఇప్పటికే కులాల మధ్య నలిగిపోతున్న సమాజంలో, ఒక ప్రాధాన పార్టీలో నెంబర్ 2 గా ఉన్న వ్యక్తి ఇలా కులాల పేరుతొ సమాజాన్ని విచ్చిన్నం చెయ్యటం ఎంత వరకు సమంజసం. ఒక పార్టీ అధినేతగా జగన్ మోహన్ రెడ్డి ఇలాంటివి ఖండిస్తే మంచిది.