ఆంధ్రప్రదేశ్ పై బీజేపీ మరో ప్రచారం మొదులు పెట్టింది. తన అనుకూల మనుషులు, మీడియా చేత, ఆంధ్రప్రదేశ్ లో కూడా ముందస్తు ఎన్నికలు వస్తాయి అంటూ, హడావిడి మొదులు పెట్టారు. ఇందుకోసం మొదటిగా ఆంధ్రపదేశ్ ప్రతిపక్ష నేత, జగన్ మోహన్ రెడ్డిని వాడారు అమిత్ షా. అమిత్ షా ఆదేశాలు ప్రకారం, నిన్న జగన్ మోహన్ రెడ్డి, ఆంధ్రప్రదేశ్ లో ముందుస్తు ఎన్నికలు వస్తున్నాయి, జనవరిలో ఎన్నికలు వస్తున్నాయి అంటూ ప్రచారం మొదలు పెట్టారు. అదేంటి మే నెలలో ఎన్నిలు అయితే, ఈయన జనవరి అంటున్నారు అని అందరూ అవాక్కయ్యారు. మొన్న కెసిఆర్ కూడా ఇలాగే, అసెంబ్లీ రద్దు సమయంలో, నవంబర్ లో ఎన్నికలు వస్తున్నాయి అని మీడియాతోనే చెప్పేశారు.
కెసిఆర్, మోడీ/అమిత్ షా లతో అవగాహన చేసుకునే, ఎప్పుడు ఎన్నికలు వస్తాయనేది క్లియర్ గా చెప్పారు. ఇప్పుడు జగన్ కూడా, జనవరిలో ఎన్నికలు వచ్చేస్తున్నాయి అని చెప్తున్నాడు. జగన్ విశాఖలో మాట్లాడుతూ, రాష్ట్ర శాసనసభకు జనవరి ఆఖరులో ఎన్నికలు వచ్చే సంకేతాలున్నాయని, మానకు దీని పై కచ్చితమైన సమాచారం ఉందని, పార్టీ నాయకులు, శ్రేణులు ఇందుకు సిద్ధంగా ఉండాలని జగన్ అన్నారు. అయితే ఇలా జగన్ నిన్న ఈ మాట చెప్పారో లేదో, ఈ రోజు బీజేపీ అనుకూల జాతీయ మీడియా రిపబ్లిక్ ఛానెల్ లో అర్నాబ్ గోస్వామి కూడా ఇదే వార్తా బ్రేకింగ్ బ్రేకింగ్ అంటూ ప్రచారం చేస్తున్నారు.
కెసిఆర్ లాగే, చంద్రబాబు కూడా ముందస్తుకి వెళ్ళిపోతున్నాడు అంటూ దేశ వ్యాప్తంగా చర్చ లేపారు. పాలన పై పట్టు పోక ముందే, చంద్రబాబు ఎన్నికలకు వెళ్తున్నారు అంటూ, తప్పుడు ప్రచారం మొదలు పెట్టింది బీజేపీ. అయితే, ఈ వార్తల పై ఏపి మంత్రి స్పందించారు. ముందస్తుకు వెళ్ళే ఆలోచనలు మాకు లేవని, ఇదంతా అమిత్ షా కనుసన్నల్లో ఆడుతున్న నాటకం అని అన్నారు. అంతకు ముందు జగన్ చేసిన వ్యాఖ్యల పై, లోకేష్ కూడా స్పందించారు. ఆంధ్రప్రదేశ్‌లోనూ ముందస్తు ఎన్నికలు వస్తాయని వైసీపీ అధ్యక్షుడు జగన్మోహన్‌రెడ్డి చెబుతున్నారని, భాజపా నాయకుల నుంచి ఆయనకు హాట్‌లైన్‌లో సమాచారం వచ్చిందేమోనని మంత్రి నారా లోకేష్ వ్యాఖ్యానించారు.