సోము వీర్రాజు, జీవీఎల్ నరసింహారావు, గత కొన్ని రోజులుగా, ఆంధ్రప్రదేశ్ పై, చంద్రబాబు పై, లోకేష్ పై, ఎలాంటి ఆరోపణలు చేస్తున్నారో చూస్తున్నాం. జీవీఎల్ నరసింహారావు వారినికి ఒకసారి వచ్చి, ఎదో ఆరోపణ చేసి వెళ్ళిపోతారు. సోము వీర్రాజు అయితే, నెలకు ఒకసారి వచ్చి, ఎదో ఒక రాయ వేసి వెళ్తూ ఉంటారు. వీళ్ళు ఇలా విమర్శ చేసారో లేదో, కొన్ని హైదరాబాద్ మీడియా ఛానల్స్ హడావిడి చేస్తాయి. ఎదో అయిపోతుంది అనే హంగామా చేస్తాయి. అలాంటి ఆరోపణల్లో ఒకటి ఇళ్ళ నిర్మాణాల్లో అక్రమాలు జరిగాయని, దీంట్లో 6 వేల కోట్ల స్కాం జరిగిందని, పేదలకు ఇచ్చే ఇళ్ళలో చంద్రబాబు డబ్బులు నోక్కేసారని, ఇలా నోటికి ఇష్టం వచ్చిన ఆరోపణలు చేసారు.
కట్ చేస్తే, దేశం మొత్తం మీద, గృహ నిర్మాణల్లో అవలంభిస్తున్న విధానాలకు, ఆంధ్రప్రదేశ్ గృహ నిర్మాణ శాఖకు అవార్డులు వచ్చాయి. ఆంధ్రప్రదేశ్ గృహ నిర్మాణ శాఖ, సంస్థకు వివిధ విభాగాలలో అవార్డులు వరించాయి. ఈ మేరకు ఆంధ్రప్రదేశ్ ప్రభుత్వానికి 14 స్కోచ్ అవార్డులు ప్రకటించింది. గృహ నిర్మాణ శాఖకు కార్పొరేట్ ఎక్సలెన్సు ప్లాటినం అవార్డుతో పాటు 11ఆర్డర్ ఆఫ్ మెరిట్ అవార్డ్స్‌ని వివిధ విభాగాలలో ఆంధ్రప్రదేశ్ సాధించింది. 3 అంశాలలో ఆంధ్రప్రదేశ్‌కి గోల్డెన్ అవార్డులు లభించాయి. విశాఖలో సొంతంగా స్థలాలు కలిగి ఉండి, ఇల్లు నిర్మించుకోవాలని ఆశగా ఉన్న లబ్దిదారులకు చేసిన వినూత్న ప్రయోగానికి గోల్డెన్ అవార్డ్ వరించింది.
సంస్థ చేపట్టిన ఆధునిక సాంకేతిక పరిజ్ఞానం ద్వారా లబ్దిదారులకి నేరుగా బ్యాంక్ ద్వారా డబ్బులను పంపించడం వంటి ప్రతిభ‌కి అవార్డ్ వచ్చింది. తూర్పుగోదావరి జిల్లాలో గిరిజనులకు పక్కా ఇళ్లకు అందించడం వలన అవార్డ్ లభించింది. ఇన్ని అవార్డులు ఆంధ్రప్రదేశ్ గృహ నిర్మాణ శాఖకు రావడం చాలా సంతోషంగా ఉందని మంత్రి కాల్వ శ్రీనివాసులు అన్నారు. చంద్రబాబు నాయకత్వంలో గడిచిన ఏడాదినర కాలంలో వినూత్న ప్రయోగాలు చేయడం ద్వారా మంచి ఫలితాలు సాధించామని ఆయన తెలిపారు. మరి ఇవన్నీ చూస్తున్న, జీవీఎల్, సోము, తలకాయి ఎక్కడ పెట్టుకుంటారు ? మీరు చెప్పినవి నిజం అయితే, ఇన్ని ఇన్ని అవార్డులు రాష్ట్రానికి ఎందుకు వస్తున్నాయి ?